ஜெயேந்திரர் வீடியோ: சட்டசபையில் எழுப்ப பாஜக முடிவு

திருச்சி:

ஜெயேந்திரர் கொடுத்த வாக்குமூலக் காட்சிகள் சன் டி.வியில் ஒளிபரப்பப்பட்ட விவகாரத்தை சட்டசபையில் கிளப்புவோம் என்றுதமிழக பாஜக தலைவர் சி.பி.ராதாகிருஷ்ணன் கூறியுள்ளார்.

திருச்சியில் செய்தியாளர்களிடம் அவர் பேசுகையில், போலீஸ் கட்டுப்பாட்டில் ஜெயேந்திரர் இருந்தபோது அவர் அளித்தவாக்குமூலம் அடங்கிய வீடியோ காட்சிகள் சன் டிவியில் சமீபத்தில் ஒளிபரப்பாயின. இது எப்படி நடந்தது?

ஜெயேந்திரர் வாக்குமூலம் அடங்கிய சி.டி.க்களை யார் விநியோகம் செய்தது என்பது குறித்து அரசும், காஞ்சிபுரம் காவல்துறையும்விளக்கம் அளிக்க வேண்டும்.

இந்தப் பிரச்சினையை வருகிற சட்டசபைக் கூட்டத் தொடரிலும் எழுப்புவோம். எங்களது இந்தக் கேள்வி மக்களின் மனதில்நிலவுவதாகவும், எனவே அரசும், காவல்துறையும் விளக்கம் அளிக்க வேண்டியது அவசியமாகும் என்றும் அவர் கூறினார்.