சுனாமியை விட உயரமாக குதிப்பவர்கள்-- கருணாநிதி காட்டம்

சென்னை:

காஞ்சிபுரம், கும்மிடிப்பூண்டி தொகுதிகளில் வெற்றி பெற்றதற்காக சுனாமி அலைகளை விட உயரமாக குதித்து ஆர்ப்பரிப்பவர்கள்,நாடாளுமன்றத் தேர்தலில் 40 தொகுதிகளிலும் அதிமுக தோல்வியுற்ற போது எங்கே போயிருந்தார்கள் என்று திமுக தலைவர் கருணாநிதிகாட்டமாக கேட்டுள்ளார்.

இதுதொடர்பாக கருணாநிதி வெளியிட்டுள்ள அறிக்கையில், சட்டசபை இடைத் தேர்தலில் அதிமுக வெற்றிக்காக சுனாமி அலையை விடஅதிக உயரத்தில் துள்ளிக் குதித்து ஆர்ப்பரிப்பவர்கள், கடந்த நாடாளுமன்றத் தேர்தலில் அக்கட்சி 40 இடங்களிலும் மண்ணைக்கவ்வியபோது எங்கே போயிருந்தார்கள்? அப்போது ஏன் அவர்கள் ஆர்ப்பரிக்கவில்லை?

வெற்றிக் களிப்பில் கர்ஜிக்கிறவர்கள் கர்ஜிக்கட்டும், நம்மையும் அவர்கள் இடரட்டும். அந்த எச்சல்காரர்களை விரட்டிட, நமது புதியதிட்டங்களை புதிய வலுவுடன், பொலிவுடன் அமைத்திட, வருகிற 28, 29 ஆகிய தேதிகளில் கோவை திமுக மண்டல மாநாட்டில்கூடுவோம் என்று கூறியுள்ளார் கருணாநிதி.