தாஜ்மஹால் அருகே வெடிகுண்டு கண்டுபிடிப்பு!

ஆக்ரா:

தாஜ்மஹால் அருகே சக்தி வாயந்த வெடிகுண்டு கிடந்தது கண்டுபிடிக்கப்பட்டதால் அங்கு பெரும் பரபரப்பு ஏற்பட்டது.

டெல்லியில் கடந்த ஞாயிற்றுக்கிழமை இரவு 2 தியேட்டர்களில் குண்டு வெடித்தது. இதில் ஒருவர் பலியானார். 50க்கும் மேற்பட்டோர்காயமடைந்தனர்.

இந்த குண்டு வெடிப்பால் டெல்லி மற்றும் அண்டை மாநிலங்களில் பதட்டம் ஏற்பட்டது. டெல்லியில் முக்கிய இடங்களில் பலத்த பாதுகாப்புபோடப்பட்டது. டெல்லி எல்லை முழுவதும் சீல் வைக்கப்பட்டன.

போலீஸாரின் தீவிர விசாரணையில் குண்டு வெடிப்பு சம்பந்தமாக லஷ்கர் இ தொய்பா இயக்கத்தை சேர்ந்த முகமது இர்ஷாத் என்றதீவிரவாதி கைது செய்யப்பட்டான். அவனிடம் போலீஸார் தீவிர விசாரணை நடத்தி வருகின்றனர்.

இந் நிலையில் ஆக்ராவிலுள்ள தாஜ்மஹால் அருகே 100 மீட்டர் தூரத்தில் பரபரப்பு மிகுந்த பழைய மார்க்கெட் பகுதியில் சக்தி வாயந்த ஒருவெடிகுண்டு கிடந்தது கண்டுபிடிக்கப்பட்டது. இதனால் அங்கு பெரும் பரபரப்பு ஏற்பட்டது.

இது குறித்து போலீஸார் விசாரணை நடத்தி வருகிறார்கள்.