வேலூர் மண்டல திமுக மாநாடு ஒத்திவைப்பு

சென்னை:

வேலூர் மண்டல திமுக மாநாடு ஒத்திவைக்கப்பட்டுள்ளதாக அக்கட்சியின் தலைவர் கருணாநிதி தெரிவித்துள்ளார்.

இதுதொடர்பாக அவர் விடுத்துள்ள அறிக்கையில், தமிழகத்தில் வாக்காளர் பட்டியலில் நடந்துள்ள முறைகேடுகளைத் தொடர்ந்து, திமுகவினர் மிகத் தீவிரமாக தமிழகம்முழுவதிலும், வாக்காளர் பட்டியலை சரி பார்க்கும் பணியில் ஈடுபட்டுள்ளனர்.

எனவே வேலூரில் ஜூலை மாதம் நடத்துவதாக இருந்த மண்டல மாநாட்டை சற்று தள்ளிப் போட முடிவு செய்யப்பட்டுள்ளது. வாக்காளர் பட்டியல் சரி பார்ப்புப்பணியில் திமுகவினர் முழுமையாக ஈடுபட வகை செய்யும் விதத்தில், ஆகஸ்ட் மாதம் 27, 28 ஆகிய தேதிகளுக்கு மண்டல மாநாடு ஒத்திவைக்கப்படுகிறது என்றுகூறியுள்ளார் கருணாநிதி.