ஜெயேந்திரருடன் இல.கணேசன் சந்திப்பு

கலவை:

பாஜக அகில இந்திய செயலாளர் இல.கணேசன், நேற்று (ஞாயிற்றுக்கிழமை) கலவை சங்கரமடத்திலுள்ள ஜெயேந்திரர் மற்றும்விஜயேந்திரரை சந்தித்து பேசினார்.

கலவை மடத்திலிருந்து கடந்த 8ம் தேதி ஜெயேந்திரர் மற்றும் விஜயேந்திரர் ஆகியோர் காஞ்சி சங்கரமடத்திற்கு திரும்பினர்.ஆனால் மறுநாளே காஞ்சி மடத்திற்கு சென்ற தனிப்படை போலீஸார் ஜெயேந்திரரிடம் விசாரணை நடத்தினார்கள்.

இதைத் தொடர்ந்து ஜெயேந்திரரும், விஜயேந்திரரும் கடந்த 11ம் தேதி கலவை சங்கரமடத்திற்கு திரும்பினர். கலவை மடத்தில்வழக்கம் போல தங்களது பூஜைகளை நடத்தி வருகின்றனர்.

இதற்கிடையே சங்கரமட கணக்குகளை திருத்திய வழக்கில் திடீரென விஜயேந்திரர் முன் ஜாமீன் கேட்டு செங்கல்பட்டுநீதிமன்றத்தில் கடந்த 10ம் தேதி மனு தாக்கல் செய்தார். இந்த மனு மீதான விசாரணை வருகிற 15ம் தேதி நடைபெறுகிறது.

இந் நிலையில் பாஜக அகில இந்திய பொதுச் செயலாளர் இல.கணேசன் நேற்று கலவை சங்கரமடத்திற்கு சென்று ஜெயேந்திரர்மற்றும் விஜயேந்திரரை சந்தித்து பேசினார்.

இருவரிடமும் அவர், சுமார் 2 மணி நேரம் ஆலோசனை நடத்தி விட்டு பின் சென்னை புறப்பட்டு சென்றார்.