அத்வானி தலைவராக நீடிப்பார்: பாஜக முடிவு

டெல்லி:

பாஜக தலைவர் பதவியில் இருந்து அத்வானி விலக மாட்டார் என்று சுஷ்மா ஸ்வராஜ் இன்று தெரிவித்தார்.

ஜின்னா விவகாரத்திற்குப் பிறகு பாஜக தலைவர் அத்வானிக்கும், ஆர்.எஸ்.எஸ் தலைவர்களுக்கும் இடையை கடும் மோதல்ஏற்பட்டுள்ளது. அத்வானி பாஜக தலைவர் பதவியிலிருந்து விலக வேண்டும் என்று ஆர்.எஸ்.எஸ். தொடர்ந்து வலியுறுத்திவருகிறது.

இந் நிலையில் நேற்று ஆர்.எஸ்.எஸ் தலைவர்கள் அத்வானியை சந்தித்து பேசினார்கள். அப்போது அத்வானியிடம் தலைவர்பதவியை விட்டு விலகியே தீரவேண்டும் என்று வற்புறுத்தினார்கள்.

ஆர்.எஸ்.எஸ். தலைவர்கள் அத்வானியை நேரடியாகவே சந்தித்து பதவி விலக வேண்டும் என வற்புறுத்தியதால் அத்வானிக்குகடும் நெருக்கடி ஏற்பட்டது.

இந் நிலையில், இது குறித்து விவாதிக்க பாஜக நிர்வாகிகள் டெல்லியில் கூடினார்கள். கூட்டத்தில் அத்வானி பதவி விலகதேவையில்லை என முடிவெடுக்கப்பட்டது. கூட்டத்திற்குப் பிறகு சுஷ்மா ஸ்வராஜ் செய்தியாளர்களிடம் கூறுகையில், அத்வானிதலைவர் பதவியிலிருந்து விலக மாட்டார். தொடர்ந்து அவரே தலைவராக நீடிப்பார் என்றார்.