மத்திய அமைச்சரவை இன்று மாற்றம்? வாசனுக்கு வாய்ப்பு

டெல்லி:

மத்திய அமைச்சரவை இன்று (வியாழக்கிழமை) மாற்றம் செய்யப்படும் என்று தெரிகிறது. தமிழக காங்கிரஸ் தலைவர் வாசன்உட்பட 6 பேர் புதிய அமைச்சர்களாக நியமிக்கப்படலாம் என்று கூறப்படுகிறது.

மத்தியில் ஐக்கிய முற்போக்குக் கூட்டணி அரசு பொறுப்பேற்று ஓராண்டு நிறைவு பெற்றுள்ளது. இந் நிலையில் மத்தியஅமைச்சரவையை மாற்றியமைப்பது குறித்து பிரதமர் மன்மோகன் சிங்கும், காங்கிரஸ் தலைவர் சோனியா காந்தியும் ஏற்கனவேசந்தித்து ஆலோசனை நடத்தியுள்ளனர்.

இதனால் அமைச்சரவை மாற்றம் விரைவில் இருக்கும் என்று கடந்த மாதம் முதலே எதிர்பார்க்கப்பட்டது. இந் நிலையில் பிரதமர்மன்மோகன் சிங் 16ம் தேதி அமெரிக்கா செல்லவிருப்பதால், அதற்கு முன் அமைச்சரவையை மாற்றியமைக்க முடிவுசெய்யப்பட்டுள்ளது.

இன்று மாலை அமைச்சரவை மாற்றியமைக்கப்படலாம் என்று தெரிகிறது. இந்த மாற்றத்தில் 6 பேருக்கு வாய்ப்பு கிடைக்கும்.தமிழக காங்கிரஸ் தலைவர் வாசன், ஒரிசாவை சேர்ந்த கிரிதர் கோமங்கோ, இமாச்சல பிரதேசத்தை சேர்ந்த ஆனந்த் சர்மா,

கேரளாவை சேர்ந்த ஏகே அந்தோணி அல்லது வயலார் ரவி, சத்தீஷ்கர் மாநிலத்தை சேர்ந்த மோதிலால் வோரா, சிபு சோரன்,மராட்டிய மாநிலத்தை சேர்ந்த குருதாஸ் காமத் அல்லது சுரேஷ் கல்மாடி ஆகியோருக்கு வாய்ப்பு கிடைக்கும் என தெரிகிறது.

காங்கிரஸ் பொதுச்செயலாளர் அம்பிகா சோனி, உத்தராஞ்சல் மாநிலத்தை சேர்ந்த ஹரீஷ் ராவத், ஆந்திராவை சேர்ந்தபுரந்தேஸ்வரி ஆகியோரும் அமைச்சர்களாக வாய்ப்பிருப்பதாக கூறப்படுகிறது.

இவர்கள் தவிர சில இளம் எம்.பி.க்களுக்கும் வாய்ப்பு கிடைக்கலாம். மேலும் ஒன்றுக்கு மேற்பட்ட பொறுப்புகளைவைத்திருக்கும் சில அமைச்சர்களின் இலாகாக்களும் மாற்றப்படும் என தெரிகிறது.