விஜயகாந்த் பாடலுக்கு திமுக தொண்டர்கள் எதிர்ப்பு

கள்ளக்குறிச்சி:

விழுப்புரம் மாவட்டம் கள்ளக்குறிச்சியில் நடந்த திமுக பொதுக் கூட்ட கலை நிகழ்ச்சியில் விஜயகாந்த் நடித்த படப் பாடல்ஒலிபரப்பப்பட்டதால் தொண்டர்கள் ஆவேசமடைந்தனர்.

விழுப்புரம் மாவட்ட திமுக சார்பில் கள்ளக்குறிச்சியில் பொதுக் கூட்டத்திற்கு ஏற்பாடு செய்யப்பட்டிருந்தது. இதையொட்டி கலைநிகழ்ச்சியும் நடத்தப்பட்டது. அப்போது விஜயகாந்த் நடித்த கேப்டன் பிரபாகரன் படத்தில் இடம் பெற்றுள்ள ஆட்டமா, தேரோட்டமா என்றபாடல் ஒலிபரப்பப்பட்டது. இதற்கு கலைஞர்கள் சிலர் ஆட தயாரானார்கள்.

ஆனால் விஜயகாந்த் பாட்டை எப்படி திமுக மேடையில் போடலாம் என்று கூறி திமுக தொண்டர்கள் ஆவேசமாக கோஷமிட்டனர்.உடனடியாக பாட்டை நிறுத்துமாறும் அவர்கள் கூறினர். இதைத் தொடர்ந்து பாட்டு நிறுத்தப்பட்டது.

பின்னர் கலை நிகழ்ச்சியில் வேறு பாட்டு ஒலிபரப்பப்பட்டது. அதன் பிறகு கலை நிகழ்ச்சிகள் தொடர்ந்து நடந்தன.