பாலச்சந்தர், பாரதிராஜாவுக்கு டாக்டர் பட்டம்

சென்னை:

இயக்குநர் சிகரம் பாலச்சந்தர், இயக்குநர் இமயம் பாரதிராஜா ஆகிய இருவருக்கும் கெளரவ டாக்டர் பட்டம் தர சென்னை சத்யபாமாநிகர்நிலைப் பல்கலைக்கழகம் முடிவு செய்துள்ளது.

இதுதொடர்பாக பல்கலைக்கழக வேந்தர் ஜேப்பியார் கூறுகையில், இந்த ஆண்டு 7 பேருக்கு கெளரவ டாக்டர் பட்டம் வழங்கப்படுகிறது.வேளாண் விஞ்ஞானி எம்.எஸ்.சுவாமிநாதன், திரைப்பட இயக்குநர்கள் பாலச்சந்தர், பாரதிராஜா, இந்திராகாந்தி அணு ஆராய்ச்சி மையஇயக்குநர் பல்தேவ்ராஜ், டி.ஆர்.டி.ஓ. தலைமை பாதுகாப்பு அதிகாரி சிவதாணுப் பிள்ளை, மலேசிய அமைச்சர் முகம்மது அலிபின்ருஸ்டாம், உலக இளைஞர் அமைப்பின் பொதுச் செயலாளர் டொனால்டு ஆகியோருக்கு டாக்டர் பட்டம் வழங்கப்படுகிறது.

14வது பட்டமளிப்பு விழாவின்போது இந்த டாக்டர் பட்டங்கள் வழங்கப்படும் என்றார் ஜேப்பியார். ஏற்கனவே நடிகர் கமல்ஹாசனுக்குசத்யபாமா நிகர் நிலைப் பல்கலைக்கழகம் கெளரவ டாக்டர் பட்டம் வழங்கியது நினைவிருக்கலாம்.