ஆஸி. கிரிக்கெட் தொடர்: சச்சின் பங்கேற்க மாட்டார்!

மும்பை:

ஆஸ்திரேலியாவில் நடைபெறவுள்ள ஒரு நாள் மற்றும் டெஸ்ட் கிரிக்கெட் போட்டிகளில் சச்சின் டெண்டுல்கர் கலந்து கொள்ளமாட்டார் என்று இந்திய கிரிக்கெட் வாரியம் அறிவித்துள்ளது.

இதுதொடர்பாக கிரிக்கெட் வாரிய செயலாளர் பொறுப்பு வகிக்கும் ஆர்.எஸ்.ஷெட்டி வெளியிட்டுள்ள ஒரு அறிக்கையில்,டெண்டுல்கருக்கு ஏற்பட்டுள்ள எல்போ பிரச்சினை குறித்து கிரிக்கெட் வாரியத்தால் நியமிக்கப்பட்டுள்ள மருத்துவரான டாக்டர் ஆனந்த் ஜோஷி தீவிரமாககண்காணித்து வருகிறார்.

சச்சினுக்கு ஏற்பட்டுள்ள பிரச்சினை சரியாகி விட்டபோதிலும், உடனடியாக சர்வதேச போட்டிகளில் அவர் கலந்து கொள்ளவேண்டாம் என டாக்டர் ஜோஷி அறிவுறுத்தியுள்ளார். குறைந்தது ஒரு உள்ளூர் போட்டியிலாவது அவர் கலந்து கொண்டு தனதுஉடல் நலத்தைப் பரிசோதித்துக் கொள்வது நல்லது என அவர் கருத்து தெரிவித்துள்ளார்.

எனவே ஆஸ்திரேலியாவில் நடைபெறவுள்ள ஐ.சி.சி. ஒரு நாள் போட்டி மற்றும் 6 நாள் டெஸ்ட் போட்டித் தொடரிலிருந்து சச்சின்டெண்டுல்கர் விலகியுள்ளார் என்று தெரிவிக்கப்பட்டுள்ளது.