அமெரிக்காவில் சர்வ மத இசைப் பிரார்த்தனை

வாஷிங்டன்:

வாஷிங்டனில் நடந்த அனைத்து மத வழிபாட்டு நிகழ்ச்சியில் இந்து, சீக்கிய மத மந்திரங்கள் உச்சாடனம் செய்யப்பட்டன.கிருஸ்துவ, இஸ்லாமிய, யூத மதத்தினர் உள்பட 9 மதங்களைச் சேர்ந்தவர்கள் இதில் கலந்து கொண்டனர்.

அமெரிக்க அதிபர் பங்கேற்கும் வழிபாட்டுத் தலமான வாஷிங்டன் தேசிய கதீட்ரல் தேவாலயத்தில் இந்த நிகழ்ச்சி நடந்தது.

குரு கோவிந்த் சிங் அமைப்பின் தலைமையில் இந்த 26வது இசைப் பிராத்தனை மாநாடு நடைபெற்றது.

இந்து மதத்தின் சார்பில் குச்சிப்புடி நடன மையத்தைச் சேர்ந்த ஆண்களும், பெண்களும் பங்கேற்று சிவ பெருமானை வழிபடும்பிரார்த்தனையை நடத்தினர்.

வாஷிங்டன் புத்த விகாராவை சேர்ந்த இலங்கை புத்த துறவிகள் புத்த மதப் பிரார்த்தனை செய்தனர்.

அலா ரக்கா, ஜாகீர் உசேனின் மாணவரான ரஜேந்தர் பால் சிங்கின் தபேலா கச்சேரியும் நடந்தது.

இந்த இசைப் பிரார்த்தனை விழா எல்லா மதத்தினரையும் இணைப்பதற்கான ஒரு நிகழ்ச்சியாக ஆண்டுதோறும்கொண்டாடப்படுகிறது.