சோனியா பிறந்த நாள்: கருணாநிதி வெட்டிய கோட்டை கேக்!

சென்னை:

காங்கிரஸ் தலைவர் சோனியா காந்தியின் பிறந்த நாளையொட்டி தமிழக அரசின் தலைமைச் செயலகம் அமைந்துள்ள புனிதஜார்ஜ் கோட்டை போன்ற வடிவத்தில் அமைக்கப்பட்டிருந்த கேக்கை திமுக தலைவர் கருணாநிதி வெட்டினார்.

காங்கிரஸ் தலைவர் சோனியா காந்தியின் 60வது பிறந்த நாளை தமிழக இளைஞர் காங்கிரஸ் கட்சி விமரிசையாககொண்டாடியது. இன்று காலை கருணாநதியின் கோபாலபுரம் வீட்டுக்கு இளைஞர் காங்கிரஸ் தலைவர் விஷ்ணு பிரசாத்தலைமையில் ஏராளமான காங்கிரஸார் கேக்குடன் சென்றனர். (இந்த விஷ்ணு பாமக நிறுவனர் டாக்டர் ராமதாசின்மருமகனாவார்).

கோட்டை வடிவில் அந்த கேக் வடிவமைக்கப்பட்டிருந்தது. 59 கிலோ எடை கொண்ட அந்த கேக்கை கருணாநிதி வெட்டவேண்டும் என்று காங்கிரஸார் வற்புறுத்தினர்.

அதற்கு கருணாநிதி, பொதுவாக நான் கேக் வெட்டுவதில்லை. ஆனால் சோனியா காந்தி பிறந்த நாளை கொண்டாட கொண்டுவந்துள்ளதால் மகிழ்ச்சியுடன் வெட்டுகிறேன் என்று கூறி கோட்டை வடிவ கேக்கை கருணாநிதி வெட்டினார்.

பின்னர் கேக் துண்டுகளை கூடியிருந்தவர்களுக்குக் கொடுத்தார். முன்னதாக சோனியா காந்திக்கு கருணாநிதி வாழ்த்துச் செய்திஅனுப்பியிருந்தார்.