சானியாவிற்கு பத்மஸ்ரீ, சிரஞ்சீவிக்கு பத்மபூஷன்

டெல்லி:

டென்னிஸ் இளம்புயல் சானியா மிர்சாவுக்கு பத்மஸ்ரீ விருது வழங்க மத்திய அரசு முடிவு செய்துள்ளது.

பல்வேறு துறைகளில் சிறந்த சாதனை புரிந்தவருக்கு பத்மஸ்ரீ, பத்மபூஷன் ஆகிய விருதுகள் மத்திய அரசால் வழங்கப்பட்டுவருகிறது. இதற்கான நபர்களை தேர்வு செய்வதற்காக தனிக்குழு அமைக்கப்பட்டுள்ளது.

இந்த குழு இந்த ஆண்டு விருது பெறுபவர்களை தேர்வு செய்துள்ளது. இந்த பட்டியலுக்கு ஜனாதிபதி இறுதி ஒப்புதல் அளிக்கவேண்டும். எனவே தேர்வுக்குழு ஜனாதிபதிக்கு இந்த பட்டியலை அனுப்பியுள்ளது.

இதன்படி வரும் 26ம் தேதி குடியரசுத் தினத்தில் விருது பெறும் நபர்கள் பட்டியல் வெளியிடப்படும்.இந்த பட்டியலில் பத்மஸ்ரீவிருதுக்காக டென்னிஸ் வீராங்கனை சானியா மிர்சா பெயரும் இடம் பெற்றுள்ளதாக தெரிகிறது.

அதே போல் தெலுங்கு நடிகர் சிரஞ்சீவி, பழம் பெரும் நடிகர் ஹேங்கல் ஆகியோருக்கு பத்மபூஷன் விருதுவழங்கப்படவுள்ளதாகவும் தெரிகிறது.