• search
For Quick Alerts
ALLOW NOTIFICATIONS  
For Daily Alerts

சும்மா நச்சுனு இருக்கு!: இது எப்டி இருக்கு?

By Staff
|

சென்னை:

அதிமுக, மதிமுக கூட்டணியைத் தொடர்ந்து சென்னை நகர் முழுவதும் விதம் விதமான போஸ்டர்களை ஒட்டி மதிமுகவினர் கொண்டாடி வருகின்றனர். இதில் பெரும்பாலும் சன் டிவியின் பிரபலமான விளம்பரங்களின் வாசகங்களை வைத்து போஸ்டர்கள் ஒட்டப்பட்டுள்ளன.

அதிமுக கூட்டணி அமைந்ததால் முதல் முறையாக சட்டசபையில் நுழையப் போகிறோம், அதுவும் மிகப் பெரிய உறுப்பினர் பலத்துடன் நுழையப் போகிறோம் என்ற முடிவுக்கு மதிமுகவினர் வந்து விட்டனர்.

இந் நிலையில் சென்னையில் மதிமுக சார்பில் வித விதமான போஸ்டர்கள் ஒட்டப்பட்டுள்ளன. ஜெயலலிதா, வைகோ ஆகியோரின் படங்களுடன் உள்ள இந்த போஸ்டர்களில் இடம்பெற்றுள்ள வாசகங்கள்தான் இங்கே கவனிக்கத்தக்கவை.

சன் டிவி குழுமத்தின் தமிழ் முரசு மாலை நாளிதழுக்காக சன்டிவியில் வெளியாகி பெரும் வெற்றி பெற்ற விளம்பர வாசகமான சும்மா நச்சுன்னு இருக்கு என்ற வாசகத்துடன் வெளியாகியுள்ள போஸ்டர்தான் இருப்பதிலேயே படு கலக்கலாக உள்ளது.

அதே போல சன் டிவி வாங்கிவிட்ட தினகரன் நாளிதழுக்கான விளம்பரமான சூப்பர்மா..வையும் மதிமுகவினர் விடவில்லை. அதிமுக-மதிமுக கூட்டணி படு சூப்பர்மா... என்றும் விளம்பரங்கள் வைக்கப்பட்டுள்ளன.

தென் சென்னை மாவட்ட மதிமுக செயலாளர் வேளச்சேரி மணிமாறன் தங்களது கட்சியின் வெற்றி வாய்ப்பு குறித்துக் கூறுகையில்,

தமிழகம் முழுவதும் கடந்த 2001ம் ஆண்டு தேர்தலில் 40க்கும் மேற்பட்ட தொகுதிகளில் திமுகவினரின் வெற்றி வாய்ப்பைப் பறித்தது மதிமுக. அந்த அளவுக்கு தமிழகம் முழுவதும் மிகச் சிறப்பான வாக்கு வங்கியைக் கொண்டு மதிமுக வலுவுடன் திகழ்கிறது.

அதிமுக கூட்டணியில்தற்போது எங்களுக்கு 35 தொகுதிகள் கிடைத்துள்ளது. 35 தொகுதிகளும் வெற்றி வாய்ப்புள்ள தொகுதிகளாகவே எங்களுக்கு கிடைக்கும். எனவே 35லிலும் நாங்களே வெற்றிபெறுவோம்.

வரும் சட்டசபையில், மதிமுகதான் 2வது பெரிய கட்சியாக விளங்கும் என்றார் மணிமாறன்.

Mail this to a friend  Post your feedback  Print this page 

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X