காமச் சண்டையில் 10 மான்கள் பலி

உஜ்ஜைன்:ஆண் மானை அடைய நடந்த முயற்சியில், பெண் மான்களுக்குள் நடந்த சண்டையில்9 பெண் மான்கள் பரிதாபமாக இறந்தன.

மத்திய பிரதேச மாநிலம் உஜ்ஜைன் நகரில் மிருகக் காட்சி சாலை உள்ளது. இங்கு 60மான்களுக்கும் மேல் உள்ளன. இவற்றில் 10 மான்களை மட்டும் தனியாக ஒருஇடத்தில் அடைத்து வைத்திருந்தனர். அவற்றில் ஒன்று மட்டுமே ஆண் மான்.மற்றவை பெண் மான்கள்.

இந்த ஒத்தை ஆண் மானை அடைய பெண் மான்களுக்குள் போட்டி ஏற்பட்டது.இதுதொடர்பாக கடுமையான சண்டையும் நடந்தது. பல மணி நேரம் நடந்த இந்தசண்டையில் 9 மான்களும் அடுத்தடுத்து இறந்தன.

இந்த பெண் மான்களுக்கிடையே சிக்கிய ஆண் மானும் பரிதாபமாக உயிரிழந்தது.

மான்களுக்கு இடையே சண்டை ஏற்பட்டால் சோப்ளாங்கி மான்கள், தப்பித்து ஓடிவிடும். ஆனால் குறுகிய இடத்தில், 10 மான்களும் அடைக்கப்பட்டிருந்ததால்,மான்களால் தப்பிச் செல்ல முடியாமல் போய் விட்டது. இதன் காரணமாக 10மான்களும் பரிதாபமாக இறந்து விட்டன.