நிகாரகுவாவை உலுக்கிய நில நடுக்கம்

மனாகுவா:மத்திய அமெரிக்க நாடான நிகாரகுவாவில் இன்று கடும் நிலநடுக்கம் ஏற்பட்டது. இதனால் எல் சால்வடார்,ஹோண்டுராஸ் எல்லைப் பகுதி கடுமையாக குலுங்கியது.

மத்திய அமெரிக்க பிராந்தியத்தில் உள்ள குட்டி நாடு நிகாரகுவா. இந்த நாட்டுக்கும், ஹோண்டுராஸ், எல்சால்வடார் ஆகிய நாடுகளுக்கும் இடையிலான எல்லைப் பகுதியில் உள்ள சினந்தேகா என்ற இடத்தில் இன்றுஇந்திய நேரப்படி காலை 6.23 மணிக்கு கடும் நிலநடுக்கம் ஏற்பட்டது.

இந்த நிலநடுக்கத்தால் இப்பிரதேசத்தில் உள்ள வீடுகள், கட்டடங்கள் குலுங்கின. அமெரிக்க புவியியல் ஆய்வுமையத்தில் இந்த நிலநடுக்கத்தின் அளவு 5.5 ரிக்டராக பதிவாகியுள்ளது.

நிலநடுக்கத்தால் எந்த உயிரிழப்பும், காயம் ஏற்படவில்லை என்று தெரிவிக்கப்பட்டுள்ளது.