நாளை முதல் கட்டண சேனலாகிறது சன் டிவி

சென்னை: தமிழின் நம்பர் ஒன் தொலைக்காட்சியான சன் டிவி நாளை முதல் கட்டண சேனலாகிறது.

இதுவரை இலவச சேனலாக இருந்த சன் நாளை முதல் கட்டண சேனலாகிறது. இருப்பினும் சென்னையில் மட்டும்(இங்கு செட் டாப் பாக்ஸ் திட்டம் அமலில் உள்ளது) இது இலவச சேனலாகவே தொடரும் என சன் டிவிநிர்வாகம் அறிவித்துள்ளது.

செட் டாப் பாக்ஸ் அமலில் இல்லாத பிற பகுதிகளில் சன் டிவியைப் பார்க்க மாதம் ரூ.12 கட்டணம் செலுத்தவேண்டும். இதில் வரிகள் அடங்காது. வீடுகளுக்கு கேபிள் இணைப்பு வழங்கும் சர்வீஸ் புரொவைடர்கள் இந்தக்கட்டணத்தை சன் டிவிக்கு செலுத்த வேண்டும். ஒரு வீட்டுக்கு ரூ. 12 என கட்டணம் நிர்ணயிக்கப்பட்டுள்ளது.

டிசம்பர் 30ம் தேதிக்குள் பிற பெருநகரங்களான டெல்லி, மும்பை, கொல்கத்தா போன்றவற்றிலும் செட் டாப்பாக்ஸ் முறையை அமல்படுத்த வேண்டும் என உச்சநீதிமன்றம் ஏற்கனவே உத்தரவிட்டுள்ளது. அப்படி பிறநகரங்களிலும் செட் டாப் பாக்ஸ முறை அமலுக்கு வந்தால் சென்னையைப் போலவே அங்கும் இலவசசேனலாகவே சன் டிவி தொடருமா அல்லது சென்னையிலும் கட்டணம் வசூலிக்கப்படுமா என்பது தெரியவில்லை.

பிற தனியார் தொலைக்காட்சிகள் அனைத்தும் சென்னையில் இலவச சேனலாகவே உள்ளதால் அவை நீடிக்கும்வரை சன் டிவியும் இலவச சேனலாகவே தொடரும் என சன் டிவி தெளிவுபடுத்தியுள்ளது.