பள்ளி வேன் மோதி ஒருவர் பலி; 12 பேர் காயம்

கும்பகோணம்:கும்பகோணத்தில் பள்ளிக்கூட வேன், மினி லாரியும் மோதிக் கொண்டதில், வாலிபர் ஒருவர் பலியானார். வேனில்இருந்த 6 மாணவர்கள் உள்பட 12 பேர் காயமடைந்தனர்.

மினி லாரி ஒன்றில் வலங்கைமானில் நடந்த கல்யாண நிகழ்ச்சியில் கலந்து கொள்ள சிலர் சென்றுகொண்டிருந்தனர். எதிர் திசையில், பள்ளிக்கூட வேன் ஒன்று மாணவர்களை ஏற்றிக் கொண்டு வந்தது.

இரு வாகனங்களும் எதிர்பாராதவிதமாக நேருக்கு நேர் மோதிக் கொண்டன. இதில், லாரியில் இருந்தசின்னத்தம்பி என்பவர் பரிதாபமாக இறந்தார். பள்ளிக்கூட வேனில் இருந்த 6 குழந்தைகள் உள்பட 12 பேர்படுகாயமடைந்தனர்.

காயமடைந்தவர்கள் தஞ்சாவூர் அரசு மருத்துவமனையில் அனுமதிக்கப்பட்டுள்ளனர்.