மன்மோகன் சிங் ஒரு டம்மி: இல.கணேசன்

கோவில்பட்டி:பிரதமர் மன்மோகன் சிங் அரசு ஒரு டம்மி அரசாகவே உள்ளது. உண்மையில் சோனியா காந்திதான் மத்தியஅரசை இயக்குகிறார் என தமிழக பாஜக தலைவர் இல.கணேசன் கூறியுள்ளார்.

கோவில்பட்டிக்கு வந்த இல.கணேசன் அங்கு செய்தியாளர்களிடம் பேசுகையில், இலங்கைக்கு ஆயுத சப்ளைசெய்ய மாட்டோம் என காங்கிரஸ் தலைவர் சோனியா காந்தி கூறுகிறார்.

நாட்டின் பிரதமரோ, வெளியுறவுத் துறை செயலாளரோ கூற வேண்டிய ஒரு முக்கிய விஷயத்தை ஒரு கட்சியின்தலைவர் கூறுகிறார். மிகவும் கேலிக் கூத்தான விஷயம் இது.

எனவே பிரதமர் மன்மோகன் சிங் தலைமையிலான அரசு டம்மி அரசாகவே உள்ளது. உண்மையில் சோனியாகாந்திதான் இந்த அரசை இயக்கி வருகிறார்.

இந்த டம்மி அரசுக்கு ஆதரவு தருவதாக கூறிக் கொள்ளும் கம்யூனிஸ்ட் கட்சியினர் வெளியில் அரசை எதிர்த்துப்போராட்ட.ம் நடத்துகிறார்கள். மொத்தத்தில் அவர்கள் இரட்டை வேடம் போடுகிறார்கள்.

ஸ்ரீரங்கத்தில் கோவிலுக்கு அருகே பெரியார் சிலையை வைக்கக் கூடாது. வேறு இடத்தில் வைக்க வேண்டும்.சிலைகளை உடைப்பது என்பது கோழைத்தனமான செயலாகும். அதை பாஜக அனுமதிக்காது என்றார் கணேசன்.