கோவையில் ஜன-10ல் பொதுகுழு கூட்டம்-வைகோ

சென்னை:கோவையில் வரும் ஜனவரி 10ம் தேதி மதிமுகவின் பொதுக் குழுவை அவசரமாகக் கூட்டியுள்ளார் அக் கட்சியின்பொதுச் செயலாளர் வைகோ.

எல்.கனேசன், செஞ்சி ராமச்சந்திரன் ஆகியோர் ஜனவரி 29ம் தேதி சேலத்தில் பொதுக் குழுவை கூட்டியுள்ளநிலையில் அவர்களை முந்திக் கொண்டு 10ம் தேதியே கோவையில் இக் கூட்டத்தை வைகோ கூட்டியுள்ளார்.

இது குறித்து வைகோ கூறுகையில், சென்னையில் நடந்த உயர் நிலைக் குழுக் கூட்டத்தில் எடுக்கப்பட்ட முடிவுகள்குறித்து வரும் 28ம் தேதி ஒவ்வொரு மாவட்டத்திலும் செயல் வீரர்கள் கூட்டம் நடத்தப்பட்டு அதில் விளக்கிச்சொல்லப்படும்.

ஜனவரி 10ம் தேதி கோவையில் அவசர பொதுக்குழுக் கூட்டம் நடைபெறும் என்றார்.