அரை மணி நேரம் பரிதவிக்க விட்ட இன்சாட்-4ஏ

சென்னை:இந்திய தகவல் தொடர்பிலும் டிவி ஒளிபரப்பிலும் முக்கிய பங்கு வகிக்கும் இன்சாட் 4-ஏ செயற்கைக் கோள்திடீரென செயல்படாமல் போனது. இதனால் தகவல் தொடர்பு சேவைகள் கடுமையாக பாதிக்கப்பட்டன

அதன் சூரிய தகடுகளில் ஏற்பட்ட பிரச்சனை (சோலார் டிஸ்டர்பன்ஸ்) காரணமாக நேற்று மாலை 4 மணிக்குசெயற்கைக் கோள் பாதிக்கப்பட்டது. இதனால் பூமியை நோக்கி செயற்கைக் கோளை திரும்பியிருக்கச் செய்யும்லாக் செயலிழந்தது.

இதனால் செயற்கைக் கோளுக்கு மின்னலைகளை அனுப்பவோ, அங்கிருந்து அலைகளைப் பெறவோமுடியவில்லை.

இதையடுத்து கர்நாடக மாநிலம் ஹாசனில் உள்ள இஸ்ரோ நிலையத்தின் விஞ்ஞானிகள் ரேடியோ அலைகள்மூலமாக செயற்கைக் கோளின் கம்ப்யூட்டர்கள் உதவியோடு சிக்கலைத் தீர்த்தனர்.

இதைத் தொடர்ந்து 30 நிமிடத்தில் செயற்கைக் கோள் மீண்டும் செயல்பாட்டுக்கு வந்தது.