பரதத்தில் பட்டய, பட்டப் படிப்புகள்

சின்சினாட்டி:இந்திய கலாச்சார மையமும், காரைக்குடி அழகப்பா பல்கலைக்கழகமும் இணைந்துபரதநாட்டியத்தில் பட்டம் மற்றும் பட்டயப் படிப்புகளை அறிமுகப்படுத்தியுள்ளன.

இதுகுறித்து இந்திய கலாச்சார மையத்தின் பத்மா செப்ரோலு வெளியிட்டுள்ள செய்திக்குறிப்பில்,

இந்திய கலாச்சார மையம் ஆண்டுதோரும் பாரம்பரிய இந்திய கலைகளில் சிறந்துவிளங்குவோருக்கு விருது வழங்கி கெளரவித்து வருகிறது.

2007ம் ஆண்டுக்கான விருதுகளுக்கு உலகம் முழுவதும் உள்ள பல்வேறு வகையானநாட்டியக் கலைஞர்களிடமிருந்து 98 விண்ணப்பங்கள் வந்திருந்தன.

அவற்றில் பரிசு பெற்றோர் விவரம்:

முதல் பரிசு : திவ்யா குணபலி (100 டாலர்கள்)
இரண்டாம் பரிசு : மெல்வின் வர்கீஸ் (50 டாலர்கள்)
மூன்றாம் பரிசு : சுசூப்தா கெளரி நிதி.
இந்த மையமும்ல் காரைக்குடி அழகப்பா பல்கலைகழகத்துடன் இணைந்து பரதநாட்டியத்தில் பட்டயப் படிப்பையும் அறிமுகம் செய்துள்ளன.

அந்த படிப்பு குறித்த விவரம்:

1. பரத நாட்டிய சான்றிதழ் பட்டய படிப்பு (1-3 வருடங்கள்)
2. பரத நாட்டிய ஆன்லைன் பட்டயபடிப்பு 1 வருடம்
3. பரத நாட்டிய பட்டய படிப்பு 1 வருடம்
4. இளங்கலை பரத நாட்டிய பட்டப் படிப்பு 1வருடம்
5. முதுகலை பரத நாட்டிய பட்டப் படிப்பு 2வருடம்.

இதற்கான தகுதிகள்:

1. பட்டயப் படிப்பில் சேர குறைந்த பட்சம் 10 வயது நிரம்பியிருக்க வேண்டும்.
2. பட்ட படிப்பில் சேர குறைந்தது 16 வயது நிரம்பியிருக்க வேண்டும்.

பயிற்சிக்கான விண்ணப்பங்களை அழகப்பா பல்கலைகழகத்தில் பெற்றுக்கொள்ளலாம். பாடப் புத்தகங்கள் மற்றும் குறுந்தகடுகள் அஞ்சலில் அனுப்பப்படும்.

அடிப்படை முக பாவங்கள், தெய்வீக முக பாவங்கள், அடிப்படை காலசைவுகள், பரதநாட்டியத்தின் அடிப்படை ஆகியவை குறித்து பயிற்சி அளிக்கப்படும்.

2007 ஜனவரி 8 முதல் மார்ச் 25 வரை, ஞாயிற்று கிழமைகளில் 45 நிமிடங்களுக்குபயிற்சி வகுப்புகள் நடைபெறும்.

பரதம், குச்சுபுடி, மோகினி ஆட்டம், திருமணம் மற்றும் பாரம்பரிய கலைகள் குறித்தஅரங்கேற்றமும் நடைபெறும். புரஃபஷனல் ஸ்டுடியோவில் இந்த நிகழ்ச்சிகள்நடைபெறும் என இந்திய கலாச்சார மையம் அறிவித்துள்ளது.

மேலும் விவரங்களுக்கு தொடர்பு கொள்ள வேண்டிய இணைய தள முகவரி:

http://www.culturalcentreofindia.com