விபத்தில் சிக்கிய இஸ்ரோ தலைவர் நாயர்!

சென்னை:சென்னைக்கு வந்த இஸ்ரோ தலைவர் மாதவன் நாயர் பயணித்த கார் மீது, பின்னால் வந்த பாதுகாப்பு வீரர்களின் கார் மோதியது. இதில் காயமின்றித் தப்பினார்மாதவன் நாயர்.

இஸ்ரோ தலைவரான நாயர் பெங்களூலிருந்து நேற்று மாலை சென்னை வந்தார். விமான நிலையத்திலிருந்து முகப்பேரில் உள்ள வேலம்மாள் மெட்ரிக்குலேஷன்பள்ளியில் நடந்த விழாவில் கலந்து கொள்ள கிளம்பினார்.

அவரது கார் வடபழனி 100 அடி சாலையில் போய்க் கொண்டிருந்தபோது பின்னால் பாதுகாப்புக்காக வந்த கார், மாதவன் நாயர் சென்ற கார் மீது மோதியது. இதில்நாயர் பயணித்த காரின் பின்பக்க கண்ணாடி உடைந்தது.

இதில் காயமின்றி தப்பினார் மாதவன் நாயர். பின்னர் வேறு ஒரு காரில் அவர் பயணத்தைத் தொடர்ந்தார்.