தமிழகத்திற்கு 5 புதிய ரயில்கள் அறிவிப்பு

டெல்லி:அமைச்சர் லாலு பிரசாத் யாதவ் இன்று தாக்கல் செய்த 2007-08ம் ஆண்டுக்கான ரயில்வே பட்ஜெட்டில் தமிழகத்துக்கு 5 புதிய ரயில்கள்அறிவிக்கப்பட்டுள்ளன.

சென்னை-யஷ்வந்தபூர் (பெங்களூர்) இடையே தினசரி புதிய ரயில் விடப்படுகிறது.

அதே போலகோவை -மதுரை வழியாக நாகர்கோவிலுக்கு புதிய தினசரி ரயில் அறிமுகமாகிறது.

சென்னை எழும்பூர்-நாகூருக்கு நேரடி புதிய ரயில் விடப்படுகிறது. இதுவரை கேரளத்தில் கோட்டயம்-திருவனந்தபுரம் இடையே இயக்கப்பட்டுவந்த ரயில் நாகர்கோவில் வரை நீட்டிக்கப்படுகிறது.

ராமேஸ்வரம் அகலப் பாதை முடிந்தவுடன், சென்னையிலிருந்து வாரம் 6 நாட்கள் இயங்கும் புதிய ரயில் அறிமுகப்படுத்தப்படும்.

மேலும் ராமேஸ்வரத்திலிருந்து புவனேஸ்வருக்கு புதிய வாரம் ஒருமுறை ரயில் விடப்படுகிறது.

திருச்சி-மதுரை, திருவனந்தபுரம்-கன்னியாகுமரி, திருச்சூர்-குருவாயூர் பாதைகள் 3 ஆண்டுகளில் மின்மயமாகிறது.