சட்டசபை 22ம் தேதி கூடுகிறது; 23ல் பட்ஜெட்

சென்னை:தமிழக சட்டசபை வருகிற 22ம் தேதி கூடுகிறது. 23ம் தேதி பட்ஜெட் தாக்கல் செய்யப்படுகிறது.

தமிழக சட்டசபை சபாநாயகர் ஆவுடையப்பன் இன்று செய்தியாளர்களிடம் பேசுகையில், தமிழக சட்டசபையின் பட்ஜெட் கூட்டத் தொடர் வருகிற22ம் தேதி கூடுகிறது.

அன்றைய தினம் மறைந்த உறுப்பினர்கள் சுந்தராம்பாள், எஸ்.வி.சண்முகம் உள்ளிட்டோருக்கு இரங்கல் தெரிவித்து தீர்மானம் கொண்டு வந்துநிறைவேற்றப்படும். அதன் பின்னர் அவை நடவடிக்கைகள் ஒத்திவைக்கப்படும்.

பின்னர் அலுவல் ஆய்வுக் குழு கூடி சபையை எத்தனை நாட்களுக்கு நடத்துவது என்று முடிவெடுக்கப்படும்.

23ம் தேதி காலை 2007-08ம் ஆண்டுக்கான தமிழக அரசின் நிதி நிலை அறிக்கை (பட்ஜெட்) தாக்கல் செய்யப்படும் என்றார்.