கென்யாவை நசுக்கிய நியூசிலாந்து;ஸ்காட்லாந்தை வென்றது தெ. ஆப்பிரிக்கா

கிராஸ் ஐலெட் (செயின்ட் லூஸியா):கென்யாவை 148 ரன்களில் வீழ்த்தி நியூசிலாந்து அணி சூப்பர் 8 சுற்றுக்குத் தகுதி பெற்றது.

நியூசிலாந்து அணிக்கும், கென்யாவுக்கும் கிராஸ் ஐலெட் தீவில் உள்ள பியூசஜோர் மைதானத்தில் நடந்த போட்டியில் முதலில் நியூசிலாந்து அணிபேட்டிங் செய்தது.

கென்ய பந்துவீச்சை அடித்து நொறுக்கிய நியூசிலாந்து மளமளவென ரன்களைக் குவித்தது. ராஸ் டெய்லரும், கேப்டன் பிளமிங்கும் அபாரமாக ஆடிரன்களைக் குவித்தனர்.

ராஸ் டெய்லர் 85 ரன்கள் குவித்தார். பிளமிங் 60 ரன்கள் சேர்த்தார். பின்னர் வந்த ஸ்காட் ஸ்டைரிஸ் 63 ரன்களையும், மெக்மில்லன் 71 ரன்களையும்விளாசினர்.

இறுதியில் நிர்ணயிக்கப்பட்ட 50 ஓவர்களில் நியூசிலாந்து அணி 331 ரன்களைக் குவித்தது. இமாலய வெற்றி இலக்குடன் களம் இறங்கிய கென்யா,ரன் சேர்க்கத் தடுமாறியது. இடையில் மழை வேறு குறுக்கிட்டு கென்யாவை அப்செட் செய்தது.

29 ரன்கள் மட்டுமே எடுத்திருந்த கென்யா அதற்குள் 4 விக்கெட்டுகளை இழந்து விட்டது. தட்டுத் தடுமாறி விளையாடிய கென்யா இறுதியில் 183ரன்களுக்கு அனைத்து விக்கெட்டுகளையும் இழந்து தோல்வியைத் தழுவியது. ரவீந்து ஷா மட்டுமே சிறப்பாக ஆடி 71 ரன்களைக் குவித்தது.

இந்த வெற்றியின் மூலம் நியூசிலாந்து சூப்பர் 8 சுற்றுக்கு முன்னேறியது. கென்யாவும், கனடாவும் உலகக் கோப்பைப் போட்டியிலிருந்துவெளியேறுகின்றன.

பாசடெரேவில் நடந்த மற்றொரு போட்டியில் தென் ஆப்பிரிக்காவும், ஸ்காட்லாந்தும் மோதின. முதலில் ஆடிய ஸ்காட்லாந்து சிறப்பாக பேட்செய்தது. ரன்களை அதிகம் குவிக்காவிட்டாலும் கூட தென் ஆப்பிரிக்க பந்துவீச்சை சமாளித்து நிதானமாக ரன்களை சேர்த்து தென் ஆப்பிரிக்காவைசோதித்து விட்டனர்.

வாட்சன் 31 ரன்களும், பிரவுன் ஆட்டமிழக்காமல் 45 ரன்களும் சேர்த்து அணிக்கு கொஞ்சம் போல ஸ்கோரை கூட்டினர். 50 ஓவர்கள் முழுமையாகநின்று விட்ட ஸ்காட்லாந்து 8 விக்கெட்டுகளை மட்டுமே இழந்து 186 ரன்களை சேர்த்தது.

எளிதான வெற்றி இலக்குடன் பின்னர் களத்தில் இறங்கிய தென் ஆப்பிரிக்கா, 23.2 ஓவர்களில் 3 விக்கெட்டுகளை மட்டுமே இழந்து 188 ரன்களைஎடுத்து வெற்றி பெற்றது.

கேப்டன் ஸ்மித் அபாரமாக ஆடி 91 ரன்களை குவித்தார். டிவில்லியர்ஸ் 62 ரன்கள் சேர்த்தார். ஆட்ட நாயகனாகவும் ஸ்மித் தேர்வு செய்யப்பட்டார்.