கைக் காசை செலவு செய்து பிரசாரம்காங்கிரஸாருக்கு கிருஷ்ணசாமி அட்வைஸ்

சென்னை:மதுரை மேற்குத் தொகுதி தேர்தல் பிரசாரத்தில் தங்களது சொந்தப் பணத்தை செலவு செய்து எம்.எல்.ஏக்களும், காங்கிரஸாரும் ஈடுபட வேண்டும் என்று மாநில காங்கிரஸ் தலைவர் கிருஷ்ணசாமி கூறியுள்ளார்.

இதுதொடர்பாக அவரும், சட்டமன்ற காங்கிரஸ் தலைவர் சுதர்சனமும் இணைந்து கூட்டாக விடுத்துள்ள அறிக்கையில், மதுரை மேற்குத் தொகுதியில் காங்கிரஸ் வேட்பாளராக கே.எஸ்.கே.ராஜேந்திரன் நிறுத்தப்பட்டுள்ளார்.

அவரது வெற்றிக்காக கூட்டணிக் கட்சியினரும், காங்கிரஸ் கட்சியினரும் தீவிரமாகப் பணியாற்றி வருகின்றனர். வெற்றி நமது பக்கம்தான் என்றாலும் கூட வெற்றியைப் பெற கடுமையாக உழைக்க நாம் தவறி விடக் கூடாது.

எனவே கட்சியினரும், கட்சி எம்.எல்.ஏக்களும் மதுரை மேற்குத் தொகுதிக்குச் சென்று அங்கேயே தங்கி, தங்களது சொந்தச் செலவில் பிரசாரத்தில் ஈடுபட வேண்டும் என குறிப்பிட்டுள்ளனர்.