துணை ஜனாதிபதி தேர்தலில் ஏபி.பர்தான் போட்டி?

டெல்லி:துணை ஜனாதிபதி தேர்தலில் மூத்த கம்யூனிஸ்ச் தலைவர் ஏ.பி.பர்தானை நிற்க வைக்க இடதுசாரிக் கட்சிகள் ஆலோசனை நடத்தி வருகின்றன.

ஜனாதிபதி தேர்தல் காங்கிரஸ் வேட்பாளராக பிரதீபா பாட்டீல் அறிவிக்கப்பட்டார். அவரை ஆதரிக்க வேண்டும் என காங்கிரஸ் இடதுசாரி கட்சிகளிடம் வேண்டுக்கோள் விடுத்திருந்தது.

பிரதீபா பாட்டீலை ஆதரிக்க வேண்டுமானால் துணை ஜனாதிபதி பதவியை தங்களுக்கு ஒதுக்க வேண்டும் என இடதுசாரிகள் கோரிக்கை விடுத்திருந்தன. இதை காங்கிரஸ் ஏற்றதா இல்லையா என்று தெரியவில்லை.

ஆனாலும் மக்களவை சபாநாயகர் சோம்நாத் சாட்டர்ஜியை துணை ஜனாதிபதி தேர்தலில் போட்டியிட வைக்க இடதுசாரிகள் தீவிரம் காட்டினர். ஆனால், போட்டியிட சோம்நாத் மறுத்துவிட்டார்.

இதையடுத்து இந்திய கம்யூனிஸ்ட் கட்சியின் தேசியச் செயலாளரான ஏ.பி.பர்தானை நிறுத்த இடதுசாரிகள் திட்டமிட்டுள்ளன.