வாஜ்பாயை சந்தித்தார் மன்மோகன் சிங்

டெல்லி: முன்னாள் பிரதமர் அடல் பிகாரி வாஜ்பாயை, பிரதமர் மன்மோகன் சிங் சந்தித்து அவரது உடல் நலம் குறித்து கேட்டறிந்தார்.

முன்னாள் பிரதமர் வாஜ்பாய் சமீப காலமாக உடல் நலம் சரியில்லாமல் வீட்டில் இருந்தபடி ஓய்வெடுத்து வருகிறார். இந்த நிலையில் நேற்று பிரதமர் மன்மோகன் சிங், வாஜ்பாய் வீட்டுக்கு வருகை தந்தார்.

வாஜ்பாயை சந்தித்து அவரது உடல் நலம் குறித்து கேட்டறிந்தார். மேலும், அணு சக்தி ஒப்பந்தம், பல்வேறு அரசியல் பிரச்சினைகள் குறித்தும் வாஜ்பாயிடம் அவர் பேசினார். மேலும் குளிர்கால நாடாளுமன்றக் கூட்டத் தொடரில் பங்கேற்குமாறும் அவர் வாஜ்பாய்க்கு அழைப்பு விடுத்தார்.

முன்னதாக பாஜக மூத்த தலைவர் எல்.கே.அத்வானி, பிரதமரை வரவேற்று வீட்டுக்குள் அழைத்துச் சென்றார். வாஜ்பாய், மன்மோகன் சிங் சந்திப்பின்போது அவரும் உடன் இருந்தார்.