அமெரிக்காவி்ன் நெவாடா பகுதியில் நிலநடுக்கம்

லாஸ் ஏஞ்செலஸ்: அமெரிக்காவின் நெவாடா பகுதியில் நிலநடுக்கம் ஏற்பட்டது. இதில் பல வீடுகள் இடிந்து விழுந்தன. நீர் மற்றும் கேஸ் இணைப்பு குழாய்கள் சேதமடைந்தன.

நெவாடா ஒரு பாலைவனப் பகுதியாகும். ஏராளமான இயற்கை எரிவாயு கிணறுகள் அமைந்துள்ள இப் பகுதியில் மக்கள் தொகை மிக மிகக் குறைவு.

நெவாடாவி் வடக்குப் பகுதியில் நேற்று சக்தி வாய்ந்த நிலநடுக்கம் ஏற்பட்டது. ரிக்டர் அளவுகோளில் 6.0 என்ற அளவுக்கு பதிவான இந்த நிலநடுக்கத்தால் பல வீடுகள் இடிந்து விழுந்தன.

கேஸ் குழாய்கள் சேதமடைந்ததால் தீ விபத்து ஏற்படும் சூழல் உருவானது. ஆனால், எரிவாயு வினியோகம் துண்டிக்கப்பட்டு நிலைமை உடனடியாக கட்டுக்குள் கொண்டு வரப்பட்டுவிட்டதால் விபத்து தவிர்க்கப்பட்டது.

சால்ட் லேக் சிட்டி பகுதியிலும் இந்த நிலநடுக்கம் உணரப்பட்டுள்ளது. இது நிலநடுக்கம் ஏற்பட்ட இடத்திலிருந்து 300 கி.மீ. தொலைவில் இருப்பது குறிப்பிடத்தக்கது.