• search
For Quick Alerts
ALLOW NOTIFICATIONS  
For Daily Alerts

திருமணச் செய்தியில் உண்மை இல்லை - புடின் மறுப்பு

By Staff
|

மாஸ்கோ: ஜிம்னாஸ்டிக்ஸ் வீராங்கனை அலினா கபயேவாவை நான் திருமணம் செய்து கொள்ளப் போவதாக வெளியாகியுள்ள செய்தியில் சிறிதளவும் உண்மை இல்லை என்று ரஷ்ய அதிபர் விலாடிமிர் புடினும் மறுத்துள்ளார்.

மாஸ்கோவிலிருந்து வெளியாகும் மாஸ்கோவ்ஸ்கி கரஸ்பான்டென்ட் நாளிதழில், அதிபர் புடின், முன்னணி ஜிம்னாஸ்டிக்ஸ் வீராங்கனையும், மாடலுமான அலினா கபயேவாவை மணந்து கொள்ளப் போவதாக செய்தி வெளியாகியிருந்தது.

இதனால் கோபமடைந்த அலினா உடனடியாக இந்த செய்தியை மறுத்தார். மன்னிப்பு கேட்க வேண்டும் இல்லாவிட்டால் வழக்கு தொடருவேன் என அவர் மாஸ்கோவ்ஸ்கியை எச்சரித்தார். இதையடுத்து முதல் பக்கத்தில் இந்த செய்தி தவறானது, இதற்காக மன்னிப்பு கோருவதாக மாஸ்கோவ்ஸ்கி தெரிவித்தது.

இந்த நிலையில் மாஸ்கோவில் இத்தாலி பிரதமராக தேர்வு செய்யப்பட்டுள்ள சில்வியோ பெர்லுஸ்கோனியுடனான சந்திப்புக்குப் பின்னர் செய்தியாளர்களிடம் புடின் பேசுகையில், அந்த செய்தியில் ஒரு வார்த்தை கூட உண்மை இல்லை. அது வெறும் வதந்திதான் என்றார்.

புடினுடன் இணைத்துப் பேசப்பட்ட அலினா, ரஷ்ய ஆளுங்கட்சியான ஐக்கிய ரஷ்ய கட்சியின் சார்பில் கடந்த டிசம்பர் மாதம் அந்நாட்டு நாடாளுமன்ற கீழ் சபைக்கு தேர்ந்தெடுக்கப்பட்டவர் என்பது குறிப்பிடத்தக்கது. அதிபர் பதவியிலிருந்து புடின் விலகியவுடன் இக்கட்சியின் தலைவராக பதவியேற்கவுள்ளார் என்பது குறிப்பிடத்தக்கது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X