• search
For Quick Alerts
ALLOW NOTIFICATIONS  
For Daily Alerts

திருச்சி அருகே ஏரி உடைந்து வெள்ளம் - மாணவி பலி

By Staff
|

திருச்சி: திருச்சி அருகே மழை காரணமாக ஏரி உடைந்து வெள்ளப் பெருக்கு ஏற்பட்டது. இதில் அடித்துச் சென்ற மாணவி பரிதாபமாக இறந்தார்.

திருச்சி மாவட்டம் தொட்டியம் பகுதியில் நேற்று முன்தினம் இரவு பலத்த மழை பெய்தது. அதிகாலை 1 மணிக்கு ஆரம்பித்த மழை காலை 4 மணிவரை இடைவிடாது பெய்து தள்ளியது. இந்த மழையால் உடைகுளம்புதூர் ஏரி நிரம்பி வழிந்தது. உபரி நீர் தோளூர்பட்டி ஏரிக்கு திரும்பியது. இந்த ஏரியும் நிரம்பியது.

இந்நிலையில் நேற்று அதிகாலை 6 மணிக்கு தோளூர்பட்டி ஏரியின் ஒருபகுதி சுமார் 50 அடி நீளத்துக்கு திடீரென்று உடைந்தது. இதனால் ஏரியில் இருந்து நீர் வேகமாக வெளியேறியது. பயிர் நிலங்களில் தண்ணீர் புகுந்ததில் சோளம், கடலை, கம்பு பயிர்கள் நீரில் மூழ்கின.

ஏரி உடைப்பால் தொட்டியம்-தோளூர்பட்டி சாலையில் வெள்ளம் பெருக்கெடுத்து ஓடுவதால் போக்குவரத்து பாதித்துள்ளது. இதனால் தோளூர்பட்டி, மின்னத்தம்பட்டி, சஞ்சீவிபுரம், சிவந்திப்பட்டி, காமலாபுரம் ஆகிய பகுதிகள் போக்குவரத்தின்றி பாதிக்கப்பட்டுள்ளன. இந்த வெள்ளத்தில் அடித்து செல்லப்பட்ட பள்ளி மாணவியும் பரிதாபமாக இறந்தார் என்று தகவல் வெளியாகியுள்ளது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X