சிவகங்கையில் தேமுதிகவின் பேராசிரியை வேட்பாளர்

சிவகங்கை: தேமுதிகவின் பெண் வேட்பாளர்களில் ஒருவரான டாக்டர் பர்வத ரெஜீனா பாப்பா, சிவகங்கை தொகுதியில் போட்டியிடுகிறார்.

டாக்டர் ரெஜீனா பாப்பா, மாநில தேமுதிக மகளிர் அணிச் செயலாளராக இருப்பவர். ஆங்கில ஒப்பிலக்கியத்தில் முனைவர் பட்டம் வென்றவர்.

காரைக்குடி அழகப்பா பல்கலைக்கழகத்தில் மகளிரியல் துறை மற்றும் மையத்தை உருவாக்கியவர். அதன் இயக்குநராக இருந்தவர்.

அரசியலில் ஈடுபட்ட பின்னர் அப்பொறுப்புகளிலிருந்து விலகி முழு நேர அரசியல்வாதியாக களம் இறங்கினார்.

மெத்தப் படித்த பேராசிரியையான ரெஜீனா பாப்பா, சிவகங்கையில் தனது அதிர்ஷ்டத்தைப் பரீட்சித்துப் பார்க்கிறார்.

ப.சிதம்பரம் போட்டியிடும் தொகுதி இது. எனவே ரெஜீனாவின் அதிர்ஷ்டம் பெரிய அளவில் இல்லை என்ற போதிலும், முடியாது என்பதே தனது அகராதியில் இல்லை என்று சொல்லும் கேப்டனின் வார்த்தைக்கேற்ப நம்பிக்கையுடன் இருக்கிறார் ரெஜீனா பாப்பா.