நீலகிரிக்கு முதல்வர் தொகுதி அந்தஸ்து-ராஜா

நீலகரி: நீலகிரி தொகுதியை முதல்வர் தொகுதிக்கு இணையாக மாற்றுவேன் என மத்திய தகவல் தொடர்புதுறை அமைச்சர் ராசா தெரிவித்துள்ளார்.

நீலகிரி தொகுதிக்கு உட்பட்ட சத்தியமங்கலத்தில் மத்திய தகவல் தொடர்புதுறை அமைச்சர் ராஜா வாக்களர்களுக்கு நன்றி தெரிவித்து பல்வேறு ஊர்களுக்கு சுற்றுப்பயணம் மேற்கொண்டார்.

அப்போது, சத்தியமங்கலம் நெடுஞ்சாலைதுறை பயணியர் விடுதியில் ராஜா செ‌ய்‌தியாள‌ர்களிடம் கூறுகையில்,

நீலகிரி தொகுதியில் தமிழக முதல்வர் இருந்தால் எப்படி தொகுதியை முன்னேற்றம் செய்வாரோ அதில் 90 சதவீத அளவை நான் முன்னேற்றம் அடையச் செய்வேன் என்பதை உறுதிபட தெரிவித்துக்கொள்கிறேன்.

செ‌ய்‌‌தியாள‌ர்க‌ளிட‌ம் நான் அப்படி செய்வேன், இப்படி செய்வேன் என வாக்குறுதிகளை கொடுப்பதில் எனக்கு உடன்பாடு இல்லை.
தொகுதிக்கு என்ன தேவை என்பதை ஆய்வு செய்து வருகிறேன். அதில், எந்த திட்டத்தை முடிக்க சாத்தியமுள்ளதோ அந்த திட்டத்தை நிச்சயம் செய்து முடிப்பேன்.

தமிழகத்தில் கூடுதல் பிஎஸ்என்எல் செல்போன் டவர்களை அமைக்க உரிய நடவடிக்கை எடுப்பேன் எ‌ன்றார் ராசா.