உலகின் ஸ்டைலான நபர் ஒபாமா - ஆஸி. கருத்துக் கணிப்பு

சிட்னி: உலகின் படு ஸ்டைலான நபராக அமெரிக்க அதிபர் பாரக் ஒபாமாவை ஒரு கருத்துக் கணிப்பில் தேர்வு செய்துள்ளனர். ஹாலிவுட் சூப்பர் ஸ்டார் பிராட் பிட்டை விட ஒபாமா ஸ்டைலாக உள்ளாராம்.

ஆஸ்திரேலியாவைச் சேர்ந்த ஒன்போல்.காம் என்ற இணையதளம் இந்த கருத்துக் கணிப்பை நடத்தியது. இதில் 3000 ஆண்கள் கலந்து கொண்டு யார் ஸ்டைலான நபர் என்பது குறித்து வாக்களித்துள்ளனர்.

அதில், 47 வயது பாரக் ஒபாமா முதலிடத்தைப் பிடித்துள்ளார். ஒபாமாவின் டிரஸ், அவரது நடக்கும் ஸ்டைல் உள்ளிட்டவை அட்டகாசமாக இருப்பதாக அவர்கள் கருத்து தெரிவித்துள்ளனர்.

பிராட் பிட் 2வது இடத்தைப் பிடித்துள்ளார். ஜீன்ஸ் போட்டாலும் சரி, சூட் போட்டாலும் சரி சூப்பராக இருக்கிறார் பிராட் என்பது அவரைப் பற்றிய கருத்து.

இங்கிலாந்து கால்பந்து வீரர் டேவிட் பெக்காம் 3வது இடத்தில் உள்ளார்.

ஜேம்ஸ் பாண்ட் நடிகர் டேணியல் கிரெக் 4வது இடத்தைப் பிடித்துள்ளார். 5வது இடம் அல் பசினோவுக்குக் கிடைத்துள்ளது.

டாப் 10 பட்டியலில் நடிகர்கள் ஜார்ஜ் க்ளூனி, பில் நை, கிளின்ட் ஈஸ்ட்வுட், வில் ஸ்மித் ஆகியோரும் உள்ளனர்.