இலங்கை செல்லும் மியான்மர் தலைவர்

யங்கோன்: மியானமர் நாட்டு மூத்த தலைவரான ஜெனரல் தான் ஷ்வே, இந்த வார இறுதியில் இலங்கைக்கு அதிகாரப்பூர்வ சுற்றுப்பயணம் மேற்கொள்ள உள்ளார்.

இலங்கைக்கும் மியான்மருக்கும் இடையிலான ராஜிய உறவுகள் மலர்ந்து 60 ஆண்டுகள் நிறைவடைந்துள்ளதை ஒட்டி, கடந்த ஜூன் மாதம் இலங்கை அதிபர் ராஜபக்சே மியான்மருக்கு வருகை தந்தார்.

அப்போது, கல்வி, வர்த்தகம், விவசாயம் உள்ளிட்ட பல்வேறு துறைகளில் இருதரப்பு ஒத்துழைப்புக்கான பேச்சுவார்த்தைகள் நடந்தன. விசா நடைமுறைகளை எளிதாக்குதல் போன்ற ஒப்பந்தங்களும் கையெழுத்தாகின.

ராஜப்சேவின் வருகைக்கு பதில் மரியாதையாக, மியான்மர் அதிபர் தற்போது இலங்கை சுற்றுப்பயணம் மேற்கொள்வதாக ராணுவ தலைநகர் வட்டாரங்கள் தெரிவிக்கின்றன.

சுற்றுப்பயணம் உறுதி செய்யப்பட்டாலும், தேதி அறிவிக்கப்படவில்லை. இலங்கையில் அவர் 3 நாள் பயணம் மேற்கொள்வார் என இலங்கை வட்டார தகவல்கள் தெரிவிக்கின்றன.