பாகிஸ்தானில் இந்திய டிவி சேனல்களுக்கு தடை விதிக்க பரிந்துரை!

லாகூர்: பாகிஸ்தானில் இந்திய தொலைக்காட்சி சேனல்களுக்கு தடை விதிக்குமாறு நாடாளுன்ற குழு பரிந்துரைத்துள்ளது.

பாகிஸ்தான் நாடாளுமன்றத்தின் தகவல் மற்றும் ஒளிபரப்புத் துறை கமிட்டியின் தலைவர் பேகம் பெலியம் ஹஸ்னியான் இதுபற்றி லாகூரில் இன்று செய்தியாளர்களிடம் கூறுகையில்,

'இந்திய தொலைக்காட்சி சேனலிகளில் வரும் நிகழ்ச்சிகள் தவறான கருத்துக்களை மனதில் புகுத்தும் வகையில் அமைந்துள்ளன.

எங்களின் இளைய தலைமுறையினரை பாதுகாப்பதற்காக இத்தகைய நிகழ்ச்சிகள் தொலைக்காட்சியில் ஒளிபரப்பு செய்யப்படாமல் தடுக்க வேண்டும்.

எனவே நாடாளுமன்றத்தின் தகவல் மற்றும் ஒளிபரப்புக் கமிட்டி இவற்றை தடை செய்வதற்கான பரிந்துரையை வழங்கியுள்ளது.

உடனடியாக இந்த ஒளிபரப்பு தடை செய்யப்பட வேண்டும் என நாங்கள் எதிர்பார்க்கிறோம். இதை மீறி ஒளிபரப்பு செய்யும் கேபிள் ஆபரேட்டர்கள் மீது கடும் நடவடிக்கை எடுக்கப்படும்.

அதோடு பாகிஸ்தானில் உள்ள கேபிள் ஆபரேட்டர்கள் சிலர் இந்திய படங்களின் திருட்டு விசிடிக்களையும் ஒளிபரப்புவதாக புகார்கள் வருகின்றன.

இதுதொடர்பான நடவடிக்கையும் முடுக்கி விடப்படும்' என்றார்.