இலவச பஸ் பாஸ் விநியோகத்தை தொடங்கி வைத்தார் முதல்வர் ஜெயலலிதா

சென்னை: 2011-12ம் கல்வியாண்டுக்கான இலவச பஸ் பாஸ் விநியோகத்தை முதல்வர் ஜெயலலிதா இன்று தொடங்கி வைத்தார்.

ஒன்றாம் வகுப்பு முதல் 12ம் வகுப்பு வரை பயிலும் அரசு, அரசு உதவி பெறும் பள்ளி மாணவ, மாணவியர், அரசு, அரசு உதவி பெறும் கலை, அறிவியல் கல்லூரி மாணவ மாணவியர், அரசு பாலிடெக்னிக் மாணவ மாணவியருக்கு ஆண்டுதோறும் அரசு இலவச பஸ் பாஸ்களை விநியோகித்து வருகிறது.

அந்த அடிப்படையில் இந்த ஆண்டுக்கான இலவச பஸ் பாஸ் விநியோகத்தை இன்று தலைமைச் செயலகத்தில் முதல்வர் ஜெயலலிதா தொடங்கி வைத்து சில மாணவிகளுக்கு இலவச பஸ் பாஸ்களை வழங்கினார்.

நடப்பு கல்வியாண்டில் மொத்தம் 27 லட்சத்திற்கு மேற்பட்ட பள்ளி, கல்லூரி மாணவ மாணவியர்களுக்கு இலவச பஸ் பாஸ் வழங்கப்படவுள்ளது.

இந்தத் திட்டத்திற்காக நடப்பு ஆண்டில் அரசு செலவிடவுள்ள தொகை ரூ. 303.84 கோடியாகும்.

English summary

Tamil Nadu government launched free bus pass scheme on Monday for the current academic year which is expected to benefit over 27 lakh school and government college students across the state. Chief Minister J Jayalalithaa launched the scheme for the 2011-12 academic year, which would be implemented at a cost of Rs 303.84 crore, a government release said.