பிரெஞ்சு அதிபர் சர்கோஸி மனைவி கார்லா புரூனிக்கு பெண் குழந்தை பிறந்தது!

பாரீஸ்: பிரெஞ்சு அதிபர் சர்கோஸியின் 2வது மனைவி கார்லா புரூனிக்கு அழகிய பெண் குழந்தை பிறந்துள்ளதாம். தாயும், சேயும் நலமாக இருப்பதாக தெரிவிக்கப்பட்டுள்ளது. குழந்தையின் பெயர் உள்ளிட்ட பிற விவரங்கள் வெளியிடப்படவில்லை.

இந்தக் குழந்தை சர்கோஸிக்கும், கார்லாவுக்கும் பிறந்துள்ள முதல் குழந்தையாகும். அதேசமயம் கர்லாவுக்கு முதல் கணவர் மூலம் ஒரு10 வயது மகன் உள்ளான். சர்கோஸிக்கு முதல் மனைவி மூலம் 13 முதல் 26 வயது வரையிலான 3 குழந்தைகள் உள்ளனர். அப்படிப் பார்த்தால் இது கார்லாவுக்கு 2வது குழந்தை, சர்கோஸிக்கோ 4வது குழந்தையாகும்.

பாரீஸில் உள்ள லா மியூட் கிளினிக்கில்தான் பிரசவம் நடந்துள்ளது. பிரெஞ்சு நேரப்படி இரவு 7 மணி முதல் ஏழரைக்குள் குழந்தை பிறந்ததாம். அனைத்தும் நல்லபடியாக நடந்ததாக தகவல்கள் கூறுகின்றன. தாயும், சேயும் நலமாக இருப்பதாக தெரிவிக்கப்பட்டுள்ளது.

குழந்தை பிறந்த தகவல் பிராங்க்பர்ட் நகரில் நடந்த நிகழ்ச்சியில் பங்கேற்றிருந்த சர்கோஸிக்குத் தெரிவிக்கப்பட்டது. இதையடுத்து அவர் விரைந்து வந்தார். இரவு பத்தரை மணியளவில் அவர் மருத்துவமனைக்கு வந்து சேர்ந்தார். அதன் பின்னர் மனைவியையும், குழந்தையையும் அவர் பார்த்தார்.

குழந்தைக்கு என்ன பெயர் சூட்டப்பட்டுள்ளது என்பது குறித்து மருத்துவமனை நிர்வாகமோ, சர்கோஸி அலுவலகமோ தெரிவிக்கவில்லை.

2008ம் ஆண்டு சூப்பர் மாடல் அழகியான கார்லாவுக்கும், சர்கோஸிக்கும் திருமணம் நடந்தது. சர்கோஸி மூன்றுமுறை திருமணம் செய்தவர். கார்லாவுக்கு இது 2வது திருமணமாகும்.

முன்னதாக நேற்று காலை மருத்துவமனைக்கு வந்த சர்கோஸி தனது மனைவியுடன் அரை மணி நேரம் செலவிட்டார். இருப்பினும் ஜெர்மனியின் பிராங்பர்ட் நகரில் யூரோஜோன் தொடர்பான கூட்டத்தில் பங்கேற்க வேண்டியிருந்ததால் அவர் கிளம்பிச் சென்று விட்டார்.

பிரசவத்திற்குப் பின்னர் மனைவியை வந்து பார்த்த சர்கோஸி ஒரு மணி நேரம் மருத்துவமனையில் இருந்தார். பின்னர் நள்ளிரவுவாக்கில் வெளியேறினார். வெளியே திரண்டிருந்த செய்தியாளர்களிடம் அவர் பேசவில்லை.

பிரெஞ்சு அதிபராக இருக்கும் ஒருவர், பதவியில் இருக்கும்போது அப்பாவாவது பிரான்ஸ் வரலாற்றில் இதுவே முதல் முறையாகும் என்பது குறிப்பிடத்தக்கது.

English summary

French President Nicolas Sarkozy's supermodel wife Carla Bruni-Sarkozy gave birth to a daughter on Wednesday, a source in the first lady's inner circle confirmed to AFP. "For the moment we don't know the little girl's name," the source said, as the world's media gathered near the La Muette clinic in Paris and Sarkozy returned from talks on the future of the eurozone in Frankfurt. "It happened between 7:00 and 7.30 pm. Everything went well," a second source told AFP. The girl is the French first couple's first baby since their marriage in 2008, although Bruni has one 10-year-old son from a previous relationship and thrice-married Sarkozy has three aged 14 to 26. The baby is also the first born to a serving French president.