புல்லட் ரயில்களை வாங்குவதற்கான பேச்சுவார்த்தை நடத்துகிறது ரயில்வே துறை

டெல்லி: இந்தியாவின் பல்வேறு இடங்களுக்கு இயக்குவதற்காக 6 புல்லட் ரயில்களை ரூ25 ஆயிரம் கோடி செலவில் வாங்குவதற்கு ரயில்வே நிர்வாகம் திட்டமிட்டிருக்கிறது. வரும் ரயில்வே நிதி நிலை அறிக்கையில் இதற்கான அறிவிப்பு வெளியாகக் கூடும் என்று தெரிகிறது.

ஒரு மணி நேரத்துக்கு 325 கிலோ மீட்டர் வேகத்தில் செல்லக் கூடியவை புல்லட் ரயில்கள். நமது நாட்டில் அகல ரயில் பாதையில் ஒரு மணிக்கு 110 கிலோ மீட்டர் வேகத்தில் புல்லட் ரயில்களை இயக்கத் திட்டமிடப்பட்டிருக்கிறது.

இந்த புல்லட் ரயில்களை இந்தியாவுக்கு விற்க ஜப்பான், பிரான்ஸ், ஜெர்மன் ஆகிய நாடுகள் முன்வந்துள்ளன.

ஒரு புல்லட் ரயில் பெட்டியை ரூ54 கோடியில் தயாரித்துக் கொடுக்க ஜப்பான் நிறுவனம் முன் வந்துள்ளது. இதன்படி ஒரு புல்லட் ரயிலின் விலை ரூ900 கோடியாகும். இது தொடர்பாக அந்நிறுவனத்துடன் பேச்சுவார்த்தை நடத்தி இதை சரிபாதியாகக் குறைக்க ரயில்வே நிர்வாகம் முயற்சிப்பதாகக் கூறப்படுகிறது,

ஆக இந்தியாவிலும் இனி புல்லட் ரயில்கள்!

English summary

India is in talks to buy its first bullet trains for the nation's creaking and accident-prone network, but the new fleet will run at only a fraction of its top speed, a report said.