வோடஃபோன், மேக்ஸ் இந்தியா தலைவருக்கு தங்க மயில் விருது

By Mathi

Published: Saturday, October 13, 2012, 10:52 [IST]

Subscribe to Oneindia Tamil

டெல்லி; மேக்ஸ் இந்தியா நிறுவனரும், வோடஃபோன் நிறுவனத்தின் தலைவருமான அனல்ஜித் சிங்குக்கு தங்க மயில் விருது வழங்கப்பட்டுள்ளது.

லண்டனில் நடைபெற்ற நீடித்த தன்மை குறித்த மூன்றாவது சர்வதேச கருத்தரங்கில் தங்கமயில் வழங்கப்பட்டது. ஸ்வீடன் நாட்டின் முன்னாள் பிரதமரும், வனம் மற்றும் நீடித்த வளர்ச்சிக்கான உலக ஆணையத்தின் இணைத்தலைவருமான எரிக் பிக்கிள்ஸ், விருதை வழங்கினார்.

அனல்ஜித் சிங்கின் தலைமைப் பண்பு மற்றும் சமூக வளர்ச்சியில் அவரின் பங்களிப்புக்காக இவ்விருது வழங்கப்பட்டுள்ளது. இந்திய-அமெரிக்க தலைமைச் செயல் அலுவலர்கள் கூட்டமைப்பு உறுப்பினராக அனல்ஜித் சிங் உள்ளார். இந்தியாவின் பெரும் தொலைத்தொடர்பு நிறுவனங்களுள் வோடஃபோன் நிறுவனமும் ஒன்று. மேக்ஸ் இந்தியா நிறுவனம், உடல்நலம் மற்றும் மருத்துவ ஆராய்ச்சியிலும் தமது பங்களிப்பைச் செலுத்தி வருகிறது.

Published On October 13, 2012