நெடுங்காலமாக தவறவிட்ட இந்திய சாப்ட்வேர் சந்தையை குறி வைக்கும் இன்போசிஸ்
அமெரிக்கா மற்றும் ஐரோப்பிய நாடுகளில் இருந்து தான் தனது மொத்த வருமானத்தில் 85 சதவீத வருவாயை இன்போசிஸ் ஈட்டுகிறது. அதன் மொத்த வருவாயில் 1.9 சதவீதம் மட்டுமே இந்தியாவில் ஈட்டப்படுகிறது. இதிலும் கூட 90 சதவீதம் அரசுத் துறை காண்ட்ராக்ட்கள் மூலமே கிடைக்கிறது.
ஆனால், அரசுத் துறையில் காண்ட்ராக்ட்கள் கையெழுத்தாகவும், திட்டங்கள் அமலுக்கு வரவும் மாபெரும் காலதாமதங்கள் ஏற்பட்டு வருவதால், இதைத் தவிர்த்துவிட்டு இந்தியாவின் தனியார் துறையினரின் சாப்ட்வேர் காண்ட்ராக்ட்களைப் பெற இன்போசிஸ் திட்டமிட்டுள்ளது.
இந்த விஷயத்தில் டிசிஎஸ் தான் முன்னிலையில் உள்ளது. அதன் இந்திய சாப்ட்வேர் சந்தையின் அளவு 810 மில்லியன் டாலர்களாகும். ஆனால், இன்போசிஸ் இந்திய சந்தையில் ஈட்டும் வருவாய் 135 மில்லியன் டாலர்கள் மட்டுமே. அதே போல விப்ரோ, ஐபிஎம் போன்றவையும் இன்போசிஸை விட வலுவாகவே இந்திய சந்தையில் கால் ஊன்றிவிட்டன என்பது குறிப்பிடத்தக்கது.
இந் நிலையில் அரசுக் காண்ட்ராக்ட்களுக்கு கொஞ்சம் ஓய்வு கொடுத்துவிட்டு, தனியார் துறையின் சாப்ட்வேர் திட்டப் பணிகளில் கவனம் செலுத்த இன்போசிஸ் திட்டமிட்டுள்ளது. குறிப்பாக இந்தியாவில் எரிசக்தித் துறை, தொலைத் தொடர்புத்துறை, ரீடெய்ல் துறை ஆகிய துறைகளில் அதிக காண்ட்ராக்ட்களைப் பெற இன்போசிஸ் திட்டமிட்டுள்ளது.
Click it and Unblock the Notifications
Sign in with Google