மாணவிக்கு பாலியல் தொல்லை: புனே டான் பாஸ்கோ பள்ளி துணை முதல்வர் கைது
புனே: தனது பள்ளியில் படிக்கும் 14 வயது மாணவிக்கு பாலியல் தொல்லை கொடுத்த புனே டான் பாஸ்கோ பள்ளி துணை முதல்வர் கைது செய்யப்பட்டார்.
புனேவில் உள்ள டான் பாஸ்கோ பள்ளியில் துணை முதல்வராக இருப்பவர் இஜு பிரான்சிஸ் பால்காவ்(54). அவர் கடந்த 2ம் தேதி மதியம் 1 மணி அளவில் தான் பணிபுரியும் பள்ளியில் படிக்கும் 14 வயது மாணவிக்கு தனது அலுவலகத்தில் வைத்து பாலியல் தொல்லை கொடுத்துள்ளார். இதையடுத்து அந்த மாணவி நடந்தது குறித்து தனது பெற்றோரிடம் தெரிவித்துள்ளார்.
இந்த சம்பவம் குறித்து அறிந்த அம்மாணவியின் பெற்றோர் மற்றும் பொதுமக்கள், அரசியல் கட்சியினர் என ஏராளமானோர் பள்ளிக்கு வெளியே கூடிவிட்டனர். பாலியல் தொல்லை கொடுத்த துணை முதல்வரை உடனே கைது செய்ய வேண்டும் என்று அவர்கள் கோரிக்கை விடுத்தனர்.
மேலும் இந்த சம்பவம் குறித்து மாணவியின் பெற்றோர் போலீசில் புகார் கொடுத்தனர். அவர்களின் புகாரின்பேரில் போலீசார் வழக்குப் பதிவு செய்து பிரான்சிஸை நேற்று கைது செய்தனர்.
புனேவில் டான் பாஸ்கோ பள்ளி மிகவும் பிரபலமானது. அங்கு நடந்துள்ள இந்த சம்பவத்தால் மக்கள் அதிர்ச்சி அடைந்துள்ளனர்.
Click it and Unblock the Notifications
Sign in with Google