இதுதான் காரணம்.. ஒரே நாள் இரவு 125 மி.மீ மழை.. வெள்ளத்தில் மிதந்த பெங்களூர்

பெங்களூரு: கர்நாடக மாநிலத்தில் நேற்று இரவு மட்டும் பெய்த மழையால் பெங்களூரு நகரம் வெள்ளத்தில் மிதந்துள்ளது. ஒரே இரவில் 125 மி.மீட்டருக்கும் அதிகமாக மழை பெய்துள்ளதே இதற்கு காரணம் என்று சொல்லப்படுகிறது.

கர்நாடக மாநிலத்தில் தென்மேற்கு பருவமழை கடந்த ஜூன் மாதம் தொடங்கி பெய்து வருகிறது.
ஜூலை மாதத்தில் கனமழை கொட்டியது.

இதனால் அங்குள்ள நீர் நிலைகள் நிரம்பின. இந்த நிலையில் இந்த மாதாத்தின் தொடக்கத்திலும் பருவமழை தீவிரம் அடைந்து மாநிலத்தின் பல்வேறு பகுதிகளில் பெய்து வருகிறது.

பல இடங்களில் வெள்ளம்

அதே போல் தலைநகர் பெங்களூரு மற்றும் அதனை சுற்றியுள்ள மாவட்டங்களிலும் கனமழை கொட்டி வருகிறது. கர்நாடகாவில் பெய்து வரும் கனமழையால் பெங்களூர், பெங்களூர் - மைசூர் தேசிய நெடுஞ்சாலை என்று பல இடங்களில் வெள்ளம் ஏற்பட்டுள்ளது. அதேபோல், கடந்த 30ம் தேதியில் இருந்தே பெங்களூரின் அவுட்டர் ரிங் ரோட் மழை காரணமாக பாதிக்கப்பட்டுள்ளது.

விடிய விடிய கனமழை

இப்படி இருக்கையில், பெங்களூருவில் நேற்று இரவு விடிய விடிய கனமழை கொட்டித் தீர்த்தது. இதனால், நகரின் முக்கிய சந்திப்புகள் வெள்ளத்தில் மிதக்கின்றன. நேற்று இரவு ஒருநாள் விடிய விடிய கொட்டிய கனமழையால் பல்வேறு இடங்கள் வெள்ளத்தில் மிதக்கிறது. நகரின் முக்கிய பகுதிகள், சாலைகளில் முழங்காலுக்கு மேல் தண்ணீர் ஓடுகிறது. இதனால் சில இடங்களில் சாலை போக்குவரத்து அடியோடு முடங்கியது.

மாநகராட்சி நிர்வாகம் எச்சரிக்கை

குறிப்பாக முக்கிய இடங்களில் வாகன போக்குவரத்து பாதிக்கப்பட்டுள்ளது. இதனால் வாகன ஓட்டிகள் கடும் அவதியடைந்தனர். அடுக்குமாடி குடியிருப்புகளில் தரைதளத்தில் வெள்ள நீர் புகுந்துள்ளது. மக்கள் அத்தியாவசிய தேவைகள் இல்லாத பட்சத்தில் வீடுகளை விட்டு மக்கள் வெளியில் வரவேண்டாம் என்று பெங்களுரூ மாநகராட்சி நிர்வாகம் வலியுறுத்தியுள்ளது.

மழை அளவு

பெங்களூரு நகரம் இப்படி வெள்ளத்தில் மிதப்பதற்கு நகரத்தின் பல இடங்களில் ஒரே இரவில் 125 மி.மீட்டருக்கும் அதிகமாக மழை பெய்துள்ளதே காரணம் ஆகும். பெங்களூருவின் கிழக்கு மாரத்தஹள்ளி பகுதியில் அதிகாலை 1.15 மணி நேரப்படி 125மிமீ மழையும், மகாதேவபுரா தொட்னேக்கண்டி பகுதியில் 125 மிமீ மழையும், வடக்குபண்டிகொடகேஹள்ளி 125.5 மிமீ மழையும் பெய்துள்ளது. கிழக்கு எச்.ஏ.எல் விமான நிலையம் பகுதியில் அதிகாலை 2.15 மணி நிலவரப்படி 126 மிமீ, தெற்கு தெற்குசோழநாயக்கனஹள்ளி பகுதியில் 135 மிமீ மழையும் பதிவாகியுள்ளது.

English summary

The city of Bengaluru has been flooded due to rains in Karnataka last night alone. It is said that the reason for this is that it has rained more than 125 mm overnight.