இனி கூச்சப்படாமல் பிளிப்கார்ட்டில் 'அதுக்கு' தேவையான பொருட்களை வாங்கலாம்
டெல்லி: பிளிப்கார்ட்டில் இனி செக்ஸ் பொம்மைகள், ஆணுறைகள் உள்ளிட்ட செக்ஸ் தொடர்பான பொருட்கள் கிடைக்கும்.
கடைகளுக்கு சென்று பொருட்கள் வாங்கும் காலம் மலையேறி வருகிறது. வீட்டில் இருந்து கொண்டு ஆன்லைன் மூலம் பொருட்கள் வாங்கும் பழக்கம் அதிகரித்து வருகிறது. இப்படி ஆன்லைனில் பொருட்கள் விற்பனை செய்யும் பிளிப்கார்ட் நிறுவனம் தனது வியாபாரத்தை விரிவுபடுத்தியுள்ளது.
(ஆன்லைனில் "அந்த" பொருட்களின் விற்பனை அமோகமாம்!!)
பிளிப்கார்ட் செக்ஸ் தொடர்பான பொருட்களின் விற்பனை பிரிவை புதன்கிழமை துவங்கியுள்ளது.
திடீர் என்று ஏன்?
இந்தியாவில் செக்ஸ் தொடர்பான பொருட்கள் விற்பனை ரூ.1,000 ஆயிரம் கோடி வியாபாரமாக உள்ளது. இந்த வியாபாரம் இரட்டை இலக்க எண்களில் அதிகரித்து வருகிறது. இந்த வகையான பொருட்களை வாடிக்கையாளர்கள் தங்கள் வீட்டில் இருந்தே வாங்க இ-வியாபாரம் உதவுகிறது என்று பிளிப்கார்ட் செய்தித் தொடர்பாளர் தெரிவித்துள்ளார்.
கூச்சம்
ஆண்கள் கடைகளுக்கு சென்று ஆணுறைகள் வாங்கவே கூச்சப்படுகிறார்கள். அப்படி இருக்கையில் கடைகளுக்கு சென்று செக்ஸ் பொம்மைகள் வாங்க மாட்டார்கள். அப்படிபட்டவர்களுக்காக தான் பிளிப்கார்ட் இந்த பிரிவை துவங்கியுள்ளது.
பேக்கிங்
செக்ஸ் பொருட்களை ஆர்டர் செய்பவர்களின் உணர்வுகளை அறிந்து அவற்றை சிறப்பான முறையில் பேக்கிங் செய்து வீட்டில் வழங்கப்படும் என்று பிளிப்கார்ட் தெரிவித்துள்ளது.
மேலும் பல
பிளிப்கார்டில் ஆணுறைகள், இன்பத்தை அதிகரிக்கும் சாதனங்கள் வாங்கலாம். இனி மேலும் பல பொருட்களை அறிமுகப்படுத்தும் எண்ணமும் பிளிப்கார்ட்டிடம் உள்ளது.
Click it and Unblock the Notifications
Sign in with Google