ஹோம் லோன் இருக்கா? விரைவில் மெகா இன்ப செய்தி! 6 ஆண்டுகளில் இல்லாத அளவுக்கு குறைவு! செம அதிர்ஷ்டம்
சென்னை: இந்தியாவில் பெரும்பாலான மக்கள் ஹோம் லோன் எடுத்தே சொந்த வீட்டை வாங்கியிருப்பார்கள். ஆனால், அதற்கான வட்டியையே நாம் கணிசமாகக் கட்ட வேண்டி இருக்கும். ஆனால், இந்தியப் பொருளாதாரத்தில் ஏற்பட்ட ஒரு மாற்றத்தால் இப்போது ஹோம் லோன் வட்டி குறையலாம் எனத் தகவல் வெளியாகியுள்ளது. இது ஹோம் லோன் எடுத்தோர் மத்தியில் மகிழ்ச்சியை ஏற்படுத்துவதாக இருக்கிறது.
நமது நாட்டில் சொந்தமாக ஒரு வீடு என்பது சாதாரணமான விஷயம் இல்லை. பலருக்கும் அது ஒரு கனவாகவே இருக்கிறது. இதன் காரணமாகவே நம்ம ஊரில் பலரும் வேலைக்குப் போன உடனே சொந்தமாக ஒரு வீட்டை வாங்கிவிடுவார்கள். அல்லது சில ஆண்டுகளில் வீட்டை வாங்கிவிடுவார்கள்.
ஹோம் லோன்
வேலைக்குப் போக ஆரம்பித்த உடனேயே சொந்தம் மற்றும் குடும்பத்திலும் கூட வீடு வாங்க அழுத்தம் அதிகரித்துவிடும். இதனால் வீடு வாங்கும் திட்டமே இல்லை என்றாலும் கூட வேறு வழியில்லாமல் சொந்தமாக ஒரு வீட்டை வாங்க வேண்டிய நிலைக்குத் தள்ளப்படுவார்கள். அதிலும் கூட பெரும்பாலான நபர்கள் ஹோம் லோன் எடுத்தே வீட்டை வாங்குவார்கள்.
ரெப்போ விகதம்
அதுவும் கூட வட்டி விகிதம் என்பது எப்போதும் நிலையாக இருக்காது. பலரும் ஹோம் லோனை எடுக்கும் போது ரெப்போ ரேட்டை பொறுத்து வட்டி மாறும் வகையிலேயே லோன் எடுத்திருப்போம். அதன்படி ரிசர்வ் வங்கி ரெப்போ ரேட்டை உயர்த்தினால் நாம் செலுத்தும் ஹோம் லோன் வட்டியும் உயரும். அதேபோல ரெப்போ வட்டி விகிதம் குறைக்கப்பட்டால் நாம் திரும்பச் செலுத்த வேண்டிய ஹோம் லோன் வட்டியும் குறையும். இதனால் ரிசர்வ் வங்கி ரெப்போ ரேட்டை எந்தளவுக்கு வைத்திருக்கிறது என்பது உற்றுக் கவனிக்கப்படும்.
இந்தியாவில் கடந்த 2023 பிப்ரவரி முதல் 2025 பிப்ரவரி வரை ரெப்போ வட்டி விகிதத்தில் எந்தவொரு மாற்றமும் செய்யப்படவில்லை. நிலையாக அது 6.5%ல் தான் இருந்தது. கடந்த ஏப்ரல் மாதம் நடந்த ரிசர்வ் வங்கி கூட்டத்தில் தான் ரெப்போ விகிதத்தை 6%ஆக குறைக்க முடிவு செய்யப்பட்டது. இதற்கிடையே இப்போது மற்றொரு குட் நியூஸ் வந்திருந்தது.
முக்கியமான மாற்றம்
அதாவது 2024 ஏப்ரல் மாதத்துடன் ஒப்பிடும்போது கடந்த ஏப்ரல் மாதத்திற்கான சில்லறை பணவீக்கம் 3.16% ஆகக் குறைந்துள்ளது. கொரோனா பரவலுக்குப் பிறகு, பணவீக்கம் இந்தளவுக்குக் குறைவது இதுவே முதல்முறையாகும். பொதுவாகவே பணவீக்கம் குறைந்தால் ரிசர்வ் வங்கி தனது ரெப்போ ரேட்டை குறைக்கும். ரிசர்வ் வங்கியின் அடுத்த கூட்டம் ஜூன் மாதம் நடக்கும் நிலையில், அதில் ரெப்போ ரேட் குறையும் என எதிர்பார்க்கப்படுகிறது. ரெப்போ ரேட் குறைந்தால் அனைத்து வங்கிகளும் தங்கள் கடன் விகிதங்களையும் குறைக்கும்.
வட்டி குறையலாம்
பணவீக்கம் குறைந்துள்ளது குறித்த செய்தியைப் பகிர்ந்த பொருளாதார வல்லுநர் கே ராஜேஷ், வீட்டுக் கடனுக்கான வட்டிகள் குறைவதற்கான வாய்ப்புகள் பிரகாசமாகத் தெரிவதாகப் பதிவிட்டுள்ளார். மேலும், வீட்டுக் கடன் எடுத்த வங்கிக்குச் சென்று சந்தைக்குத் தகுந்தபடி வட்டி விகிதத்தைக் குறைத்துக் கொள்ளுமாறும் அவர் தெரிவித்துள்ளார்.
6 ஆண்டுகளில் இல்லாத அளவுக்கு குறைவு
இந்தியாவில் சில்லறை பணவீக்கம் கடந்த ஆறு ஆண்டுகளில் இல்லாத அளவுக்குக் குறைந்துள்ளது. இதனால் ரெப்போ வட்டி விகிதத்தை ரிசர்வ் வங்கி குறைக்க வாய்ப்புள்ள நிலையில், இதனால் உங்கள் ஹோம் லோன் இஎம்ஐ கூட குறைய வாய்ப்புகள் பிரகாசமாக இருக்கிறது.
Click it and Unblock the Notifications
Sign in with Google