11ம் வகுப்பு தேர்வு தேர்ச்சி விகிதம்..திருப்பூர் முதலிடம்..டாப் 5 இடம்பிடித்த மாவட்டங்கள் லிஸ்ட் இதோ

சென்னை: தமிழகத்தில் 11 ஆம் வகுப்பு பொதுத்தேர்வு முடிவுகள் இன்று வெளியானது. தேர்ச்சி விகிதத்தில் திருப்பூர் மாவட்டம் முதலிடம் பிடித்துள்ளது. முதல் 5 இடங்களை பிடித்த மாவட்டங்கள் லிஸ்ட்டை இங்கே பார்க்கலாம்.

தமிழகத்தில் 11ம் வகுப்பு பொதுத்தேர்வு கடந்த மார்ச் 14ம் தேதி தொடங்கியது. 3 வாரம் நடைபெற்ற இந்த தேர்வுகள் ஏப்ரல் 5ம் தேதி முடிவு பெற்றது.7,73,688 பேர் 11ம் வகுப்பு தேர்வு எழுதினர். இதில் 3,60, 908 மாணவர்கள், 4,12,779 மாணவிகள் ஆவர். இந்த தேர்வு முடிவுகள் இன்று பிற்பகல் 2 மணியளவில் வெளியானது.

மாணவர்கள் www.tnresults.nic.in உள்ளிட்ட இணையதளத்தின் மூலம் முடிவுகளை பார்த்து வருகின்றனர். தேர்வு எழுதும் போது கொடுத்த செல்போன் எண்ணிற்கும் மேசேஜ் மூலமாக ரிசல்ட் தெரிவிக்கப்பட்டது. தேர்ச்சி விகிதத்தில் முதல் 5 இடங்கள் பிடித்த மாவட்டங்கள் விவரம் வருமாறு:-

1.திருப்பூர்- 96.38 சதவிகிதம்
2.ஈரோடு: 96.18 சதவிகிதம்
3.கோவை 95.73 சதவிகிதம்
4.நாமக்கல்: 95.60 சதவிகிதம்
5.தூத்துக்குடி: 95.43 சதவிகிதம்.

English summary

Tamil Nadu Class 11th General Examination Results declared today. Tirupur district has topped the pass rate. Check the list of top 5 ranked districts here.