2000 ரூபாய் நோட்டு.. பெட்ரோல் பங்க்குகளில் மாற்ற இன்றே கடைசி.. நாளை முதல் செல்லாது என அறிவிப்பு
சென்னை: பெட்ரோல் பங்க்குகளில் 2000 ரூபாய் நோட்டுக்களை மாற்றிக்கொள்ள இன்றே கடைசி நாள் என்று பெட்ரோல் பங்க் உரிமையாளர்கள் சங்கம் அறிவித்துள்ளது. நாளை முதல் 2000 ரூபாய் நோட்டு செல்லாது எனவும் பொதுமக்கள் வங்கிகளில் கொடுத்து 2000 ரூபாய் நோட்டுக்களை மாற்றிக்கொள்ளலாம் என தெரிவிக்கப்பட்டுள்ளது.
தற்போது புழக்கத்தில் உள்ள 2,000 ரூபாய் நோட்டுகள், 2016 நவம்பரில் அறிமுகம் செய்யப்பட்டன. கடந்த மே மாதம் 19ஆம் தேதி ரிசர்வ் வங்கி திடீரென 2000 ரூபாய் நோட்டுக்களை திரும்ப பெறுவதாக அறிவித்தது. செப்டம்பர் மாதம் 30ம் தேதிக்கு பிறகு தற்போது புழக்கத்தில் உள்ள ரூ.2,000 நோட்டுகள் செல்லாது என்று அறிவித்தது. அந்த நோட்டுக்களை வைத்திருப்பவர்கள் வங்கியில் ஒப்படைக்குமாறும் அறிவிப்பை வெளியிட்டது. அதனைத் தாண்டி காலம் நீட்டிக்கப்படுமா எனத் தெரியவில்லை.
ஒருவேளை காலம் நீட்டிக்கப்படாவிட்டால் உங்களிடம் இருக்கும் 2000 ரூபாய் நோட்டு செல்லாமல் போகும் அபாயம் ஏற்படலாம் என்பதால் விரைவில் பணத்தை மாற்றிக் கொள்ளவும் என அறிவிக்கப்பட்டது. இதனையடுத்து பலரும் தங்களிடம் இருந்த 2000 ரூபாய் நோட்டுகளை, வங்கிகளில் கொடுத்து மாற்றி வந்தனர்.
அரசு பேருந்துகளிலும் பெட்ரோல் பங்க்குகளிலும் 2000 ரூபாய் நோட்டுக்களை கொடுத்து மாற்றி பலரும் டிக்கெட் பெற்று வந்தனர். ரிசர்வ் வங்கி கொடுத்த காலக்கெடு, இன்னும் 2 நாட்களில் முடிகிறது. இந்த வாரத்தில் இன்றும் 29, 30 ஆகிய நாட்களில் மட்டுமே வங்கிகள் இயங்கும். 28ஆம் தேதி மிலாது நபிக்காக இன்றைய தினம் வங்கி விடுமுறையாக உள்ளது. எனவே தமிழக அரசு போக்குவரத்துக்கழகம் நடத்துனர்களுக்கு ஒரு அறிக்கையை அனுப்பியுள்ளது.
செப்டம்பர் 28ஆம் தேதிக்கு பிறகு பொதுமக்கள் பேருந்துகளில் 2000 ரூபாய் நோட்டுகளை கொடுத்தால் வாங்க வேண்டாம் என்று நடத்துனர்களுக்கு போக்குவரத்துக் கழகம் சார்பில் அறிவுறுத்தப்பட்டுள்ளது. அதே நேரத்தில் ஆம்னி பேருந்துகளில் இதுவரை 2000 ரூபாய் நோட்டுக்கள் பற்றி எந்த அறிவிப்பும் வெளியிடவில்லை.
இந்தநிலையில் பெட்ரோல் பங்க்குகளில் இன்று மட்டுமே 2000 ரூபாய் நோட்டுக்களை மாற்றிக்கொள்ள முடியும் என அறிவிக்கப்பட்டுள்ளது. நாளை முதல் பெட்ரோல் பங்க்குகளில் 2000 ரூபாய் நோட்டுக்கள் செல்லாது எனவும் வங்கிகளில் கொடுத்து 2000 ரூபாய் நோட்டுக்களை பொதுமக்கள் மாற்றிக்கொள்ளலாம் என தெரிவிக்கப்பட்டுள்ளது.
2000 ரூபாய் நோட்டுக்களை மாற்ற 2 நாட்கள் மட்டுமே காலக்கெடு உள்ளது. இன்றைய தினம் வங்கி விடுமுறை நாளையும் நாளை மறுநாளும் 29, 30ஆம் தேதிகளில் மட்டுமே 2000 ரூபாய் நோட்டுகளை வங்கிகளில் கொடுத்து மாற்ற முடியும். எனவே 2000 ரூபாய் நோட்டுக்களை மாற்றுவதற்கான காலக்கெடுவை அரசு நீட்டிக்குமா என்ற எதிர்பார்ப்பு எழுந்துள்ளது.
Click it and Unblock the Notifications
Sign in with Google