வனிதா விஜயகுமாருக்கு மீண்டும் திருமணம்?.. கணவரின் பெயர் "எஸ்"ஸில் தொடங்கும்.. அடித்து கூறும் ஜோதிடர்

Updated: Wednesday, July 21, 2021, 19:26 [IST]

Subscribe to Oneindia Tamil

சென்னை: வனிதா விஜயகுமாருக்கு நிச்சயம் மீண்டும் திருமணம் நடைபெறும் என்று ஜோதிடர் ஒருவர் அழுத்தம் திருத்தமாக கணித்துள்ளார்.

நடிகை மஞ்சுளா- விஜயகுமாரின் மகள் வனிதா விஜயகுமார். இவரை சர்ச்சை நாயகி என கூறலாம். அந்த அளவுக்கு அவரை சுற்றி பல்வேறு சர்ச்சைகள் ஏற்பட்டன.

இந்த நிலையில் அவர் பிக்பாஸ் சீசன் 4 இல் கலந்து கொண்டார். இதன் மூலம் ரசிகர்களிடம் மீண்டும் பிரபலமானார். அதே சமயம் போட்டியாளர்களை தூண்டி வைத்து அதில் குளிர்காய்ந்ததையும் பார்வையாளர்கள் வெகுவாக விமர்சித்தனர்.

பிக்பாஸ் ஜோடிகள்

இதையடுத்து பிக்பாஸ் ஜோடிகள் என்ற நிகழ்ச்சியில் போட்டியில் ஜட்ஜாக இருக்கும் ரம்யா கிருஷ்ணனுடன் கருத்து வேறுபாடு ஏற்பட்டு அதிலிருந்து பாதியிலேயே விலகினார். இந்த நிலையில் அண்மையில் ஒரு யூடியூப் சேனலின் நிகழ்ச்சியில் கலந்து கொண்டார்.

ஜோதிடர் குருஜி

அதில் ஜோதிடர் குருஜி வனிதாவின் எதிர்காலத்தை கணித்துள்ளார். அதன்படி வனிதா மீண்டும் திருமணம் செய்து கொள்வார். அவரது வருங்கால கணவரின் பெயர் "எஸ்" என்ற ஆங்கில எழுத்தில் தொடங்கும் என ஜோதிடர் தெரிவித்துள்ளார்.

வனிதா

மேலும் அரசியலுக்கு வந்தால் முன்னாள் முதல்வர் ஜெயலலிதா போல் வனிதாவால் வெற்றி பெற முடியும் என்றும் அந்த ஜோதிடர் கணித்துள்ளாராம். ஆனால் இதுகுறித்து வனிதா சார்பில் எந்தவித அதிகாரப்பூர்வமான தகவலையும் அளிக்கவில்லை.

மாதங்கள்

வனிதா விஜயகுமார் கடந்த ஆண்டு பீட்டர் பால் என்ற ஒருவரை காதலித்து திருமணம் செய்து கொண்டார். ஆனால் அவர் குடிப்பதாகவும் எத்தனை அறிவுரை கூறியும் அவர் கேட்கவில்லை என்றும் அவரை விட்டு 4 மாதங்களில் பிரிந்துவிட்டார்.

வனிதா

வனிதா ஏற்கெனவே பாஜகவில் இணைவதாக ஒரு தகவல் பரவியது. ஆனால் அது முற்றிலும் வதந்தி என்றும் அது போல் நான் எந்த கட்சியிலும் தற்போதைக்கு சேர போவதில்லை. ஒரு வேளை சேர்ந்தால் மீடியாக்களுக்கு சொல்லிவிட்டுதான் இணைவேன் என கூறி வனிதா மறுப்பு தெரிவித்தது குறிப்பிடத்தக்கது.