இப்படி ஒரு பைக்கா? ஆனந்த் மகிந்திராவை வியக்க வைத்த மாணவர்கள்.. ஓட்டி பார்த்து சொன்ன விஷயம் தான் செம
சென்னை: பிரபல தொழில் அதிபர் ஆனந்த மகிந்திரா தனது அலுவலக வளாகத்தில் சைக்கிள் போன்றே இருக்க கூடிய மடிக்கும் வகையிலான இ-பைக் ஒன்றை ஓட்டிப்பார்த்து விட்டு அது குறித்து தனது சமூக வலைத்தளத்தில் வியந்து பதிவிட்டுள்ளார். இந்த இ -பைக் பாம்பே ஐஐடி மாணவர்கள் கண்டுபிடித்தது ஆகும்.
நாடறிந்த தொழில் அதிபர் ஆனந்த் மகிந்திரா.. வாகன உற்பத்தி உள்ளிட்ட பல்வேறு தொழில் சாம்ராஜியங்களை நடத்தி வரும் ஆனந்த் மகிந்திரா சமூக வலைத்தலங்களில் மிகவும் ஆக்டிவாக இருப்பார். குறிப்பாக தனது "எக்ஸ்" தளத்தில் தான் பார்த்து வியந்த விஷயங்களை பதிவிட்டு வருகிறார். அது மட்டும் இன்றி, தன்னம்பிக்கையூட்டும் கதைகள்.. எளிய பின்னணியில் இருந்து வந்து சாதித்த நபர்கள் குறித்த விவரங்களையும் ஆன்ந்த மகிந்திரா பதிவிட்டிருப்பதை காண முடியும்.
புதுமையான கண்டுபிடிப்புகளையும் வியக்க வைக்கும் இயற்கை காட்சிகள் உள்ளிட்டவை என சுவாரசியமான விஷயங்களை ஆனந்த் மகிந்திரா பதிவிட்டு வருகிறார். ஆனந்த் மகிந்திராவை ட்விட்டரில் சுமார் 1 கோடிக்கும் மேற்பட்டோர் ஃபாலோ செய்கின்றனர். ஆனந்த் மகிந்திராவின் ட்விட்டிற்கு என்றே தனி ரசிகர் பட்டாளம் இருக்கிறது என்று சொல்லும் அளவிற்கு ஆனந்த் மகிந்திராவின் ட்விட்கள் இணையத்தில் நெட்டிசன்கள் மத்தியில் அதிகம் பரவும்.
மடித்து வைக்கக்கூடிய இ-பைக்: அந்த வகையில், தற்போது ஆனந்த் மகிந்திரா போட்டுள்ள ட்வீட் ஒன்று இணையத்தில் டிரெண்ட் ஆகி வருகிறது. அது என்னவென்றால், மடிக்க கூடிய வகையிலான இருசக்கர வாகனம் ஒன்றை ஓட்டி பார்த்து விட்டு அதில் உள்ள அம்சங்களை வியர்ந்து பாராட்டி ஆனந்த் மகிந்திரா பதிவிட்டுள்ளார். இது தொடர்பாக ஆனந்த மகிந்திரா தனது எக்ஸ் தளத்தில் பதிவிட்டு இருப்பதாவது:-
ஐஐடி பாம்பே மாணவர்கள் நம்மை மீண்டும் பெருமை அடைய வைத்து இருக்கிறார்கள். டைமண்ட் பிரேம் (முக்கோண வடிவம்) மற்றும் முழு சக்கர அளவுடன் கூடிய மடிக்கும் வகையிலான முதல் இ- பைக்கை கண்டுபிடுத்து இருக்கிறார். இந்த பைக் பிற மடிக்க கூடிய பைக்கை விட 35 சதவீதம் செயல் திறன் மிக்கதாக உள்ளது. அது மட்டும் இன்றி மிதமான வேகத்திலும் நிலையாக செல்கிறது.
ஐஐடி பாம்பே மாணவர்கள்: மடித்த பிறகு தூக்கி கொண்டு இந்த பைக்கை செல்ல தேவையில்லை. இந்த டிசைனில் வடிவைக்கப்பட்ட பைக் இதுவே ஆகும். எனது அலுவலக வளாகத்திற்குள் இந்த பைக்கில் பயணித்து பார்த்தேன். மாணவர்களின் ஸ்டார்ட் அப்- இல் நானே முதலீடு செய்ய இருக்கிறேன்" என்று பதிவிட்டுள்ளார். ஆனந்த் மகிந்திராவின் இந்த பதிவு நெட்டிசன்கள் மத்தியில் வேகமாக பரவி வருகிறது.
Hornback X1 இ பைக் தற்போது அமேசான், பிளிப் கார்ட் ஆகிய தளங்களில் விற்பனைக்கு கிடைப்பதாகவும் ஆனந்த் மகிந்திரா பதிவிட்டு இருக்கிறார். ஆனந்த் மகிந்திராவின் இந்த பதிவு இணையத்தில் நெட்டிசன்கள் மத்தியில் வேகமாக பரவி வருகிறது. ஐஐடி பாம்பே மாணவர்களின் கண்டுபிடிப்பை பாராட்டியும் இந்த இ பைக்கின் விலை எவ்வளவு என்பதை கேட்டும் நெட்டிசன்கள் ஆனந்த் மகிந்திராவின் பதிவுக்கு கீழே தொடர்ச்சியாக கருத்துக்களை பதிவிட்டு வருகிறார்கள்.
Click it and Unblock the Notifications
Sign in with Google